San Juan 6:19 - Nuevo Testamento Tzeltal de Amatenango

¹⁹ Kꞌalal beenikix bael te barko joꞌeb o wakeb kilometro ae, la yilik te Jesuse te yipal ta beel ta baba mar. Tijilaj tal te ba barkoe, y la xiꞌik yuꞌun.

Bible in Tzeltal Bachajón

¹⁹ C'alal c'axem wanix jun legua sbehelic ta mar a, la yilic yac ta behel tal ta ba ha' te Jesús, xnopet ta talel tey ta ban ay te barco, xiwic yu'un.

Bible in Tzeltal de Oxchuc y Tenejapa

¹⁹ Ay niwan jo'eb o waquebuc kilómetro sbeeneliquix ta barco a te la yilic Jesús te yac ta beel tel ta ba mar. Jich noptsaj tel tey a ta bay te barcoe. Xiwic yu'un.

San Juan 6:19 ပူးပေါင်းရင်းမြစ်များ

San Lucas 24:13

Jaꞌ mismo kꞌaal a, cheb jnopojeletik yipalik kꞌael ta beel ta sbelel jun jtejklum Emaus sbiil, te ay wan cheb lewa yiloj sba sok te Jerusalene.

San Lucas 9:42

Kꞌalal tijilaj tal te kereme, chꞌojot ta lum yuꞌun te pukuje y xmetmun lijkel. Pero te Jesuse la skom te pukuje, y la slekutes te kereme, y la yaꞌbe ta skꞌab te state.

San Juan 11:18

Te Betania tijil nax ay sok te Jerusalene, chꞌin xanix maꞌyuk ol lewa.

San Juan 14:18

Makꞌ me jilesex atukelik. Ya xtal joyinex.

San Juan 6:18

Lijk taluk tulan ikꞌ, y te mare lijk wilawetuk.

San Juan 6:20

Te Jesuse la yaltalanbe: —Joꞌon me. Ma me xiꞌanik —xchi.

Apocalipsis 14:20

Te ubaetike la yichꞌtalan pitsꞌel ta stiꞌil te mukꞌul jtejklume y te ba smam kꞌejile lokꞌ tal chꞌichꞌ. Te stoylejal te chꞌichꞌe kꞌot te ba spreno te kawuetike sok pamaj bael tresientos kilometro.

Apocalipsis 21:16

Te mukꞌul jtejklume kuadrado ay, pajal ay te snajtlejale sok te sjamlejale. Te ángele la spꞌis sok te sjalal te mukꞌul jtejklume: lokꞌ dos mil dosientos kilometros te spꞌisile. Pajal nax te snajtꞌile, te stoylejale y te sjamlejale.