San Juan 6:14 - Nuevo Testamento Tzeltal de Amatenango

¹⁴ Te kꞌalal la yilik te gente te seña milagro te la spas te Jesuse, la yalik: —Batsꞌi jaꞌix to te jꞌalwanej yuꞌun Dios te kaꞌiyejtik te ya xtal ta balmilale —xchiik.

Bible in Tzeltal Bachajón

¹⁴ Ha yu'un te winiquetic, c'alal la yilic te seña te la spas te Jesús, hich la yalic: Melel nix a te ha te Jalwanej te ya xtal ta bahlumilal, xchihic.

Bible in Tzeltal de Oxchuc y Tenejapa

¹⁴ Te c'alal la yilic te ants-winiquetic te seña yu'el Jesús te la spase, jich la yalic yu'un: —Ja'ix ta melel te j'alwanej yu'un Dios te caiyojtic stojol te ya xtal ta balumilale —xiic.

San Juan 6:14 ပူးပေါင်းရင်းမြစ်များ

San Mateo 11:3

Jicha kꞌo sjojkꞌobe ta stojol: —¿Me jaꞌat te Cristoat te ya xtale? ¿O ay to yan te ya jmalitik xtale? —xchiik.

San Mateo 21:11

Te genteetike la yalik: —Jaꞌ te jꞌalwanej yuꞌun Dios te Jesus sbiile te talem ta jtejklum Nazaret ta estado yuꞌun Galilea —xchiik.

San Lucas 24:19

Te Jesuse la sjojkꞌolambe: —¿Tut a te kꞌoem ta pasele? —xchi. La yalik: —Jaꞌ te tuti kꞌot ta pasel ta stojol te Jesus Nazarete. Jaꞌ jtul jꞌalwanej yuꞌun Dios te spisil tut ya xjuꞌ yuꞌun spasel, sok ay spoder te skꞌop ta stojol Dios sok ta stojol spisil te jtejklume.

San Lucas 7:16

Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

San Juan 1:21

La sjojkꞌobeyik xan: —¿Machꞌaat ate? ¿Me jaꞌat te jꞌalwanej Eliasate? —xchiik. Te Juane la yal: —Ma joꞌukon —xchi. La xchaꞌjojkꞌobeyik xan: —¿Me jaꞌat te jꞌalwanej te skꞌoplal ya xtale? —xchiik. La sjakꞌ: —Ma joꞌukon —xchi.

San Juan 11:27

La yal te xMartae: —Jich, Kajwal. Jchꞌuunej te jaꞌat Cristoat te xNichꞌanat te Diose te kaꞌiyejbetik sluwar te ya xtal ta balmilale —xchi.

San Juan 2:11

Jaꞌ to jaꞌ primero seña smilagro te la spas te Jesuse te la yakꞌ ta ilel slekilal, te baꞌ jtejklum Cana te ay ta estado yuꞌun Galileae. Y te jnopojeletik yuꞌune la xchꞌuunik te jaꞌ mismo Cristo a te Jesuse.

San Juan 4:19

La yalbe te antse: —Xiꞌlel, la jnaꞌix te jꞌalwanejat yuꞌun te Diose.

San Juan 4:25

Te antse la yalbe: —Ya jnaꞌ te ya xtal te jMesias te Cristo xchi ta alele, y te kꞌalal ya xtale ya me yalbotik spisil stukel —xchi.

San Juan 4:42

Y la yalbeyik te antse: —Te ora to ma jaꞌuk xanix te tut la awalbotik te ya jchꞌuuntike. Yuꞌun mismo joꞌotik a kaꞌibetik sluwar te skꞌope, y la jnaꞌtikix te batsꞌi jich te jaꞌix te Cristo te jkoltaywane yuꞌun spisil te genteetike —xyutik.

San Juan 6:2

Bayal gente stsꞌaklibil yuꞌun, porke la yilik te señaetik smilagro te la slekutes jchameletike.

San Juan 6:26

Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

San Juan 6:30

Jich a sjojkꞌobeyik: —¿Tut señail ya awaꞌbotik kiltik yuꞌun teme la kiltike ya me jchꞌuuntikat? ¿Tutik a te awaꞌtele?

San Juan 7:40

Ay chaꞌoxtul ta yolil te gentee kꞌalal la yaꞌiybeyik sluwar te tuti yal te Jesuse, la yalik: —Batsꞌi jaꞌix te jꞌalwanej yuꞌun Diose —xchiik.

Hechos 7:37

Y jaꞌ mismo te jMoisese te la yalbe te israeletik: “Te Diose ya me yakꞌ chiknajuk ta awolilik jtul jꞌalwanej jich tutꞌil te joꞌone. Jaꞌ me xꞌawaꞌibeyik te tut ya yalbeyexe”, xchi me.