San Juan 5:40 - Nuevo Testamento Tzeltal de Amatenango

⁴⁰ Te jaꞌexe ma xꞌakꞌan xtalex ta jtojol yuꞌun te ya ataik a te kuxlejale.

Bible in Tzeltal Bachajón

⁴⁰ pero ma xac'an ya xtalex ta jtojol yu'un yac awich' acuxlejalic.

Bible in Tzeltal de Oxchuc y Tenejapa

⁴⁰ ja'uc me to, ma x'ac'anic te ya xtalex ta jtojole, yu'un ma x'ac'anic te ya xcuxinexe.

San Juan 5:40 ပူးပေါင်းရင်းမြစ်များ

San Mateo 22:3

La stikon bael yaj-mantal te ya xba yikꞌtalan tal te machꞌatik ikꞌtalanbil ta nujpunele. Pero ma skꞌan a laj tal.

San Mateo 23:37

“Jaꞌex jtejklum Jerusalen te kꞌayemex ta smilel te alwanejetik yuꞌun te Diose sok te kꞌayemex ta swolel ta ton te machꞌatik Dios ya stikombeyex tal ta kꞌop ta atojolike. Bayal buelta te kꞌan jtsobex sok te awuntikilike, jich tutꞌil te mut te ya slutsꞌ ta yanil xikꞌ te xchꞌinik yale, pero ma la akꞌanik.

San Juan 1:11

Jul ta yolil te jtejklum yuꞌun Diose, pero ma akꞌot ta jkuenta yuꞌun te slumale.

San Juan 10:10

Te machꞌa jꞌelekꞌe ya nax tal elkꞌajuk sok milwanuk sok ya xjimawan. Pero te joꞌone jaꞌ a talon yuꞌun te ya staik xkuxlejalike, yuꞌun jich me ben tsaꞌam ya sta xkuxlejalik.

San Juan 3:19

Te machꞌatik ma xchꞌuunike, ayikix bael ta chꞌayel, yuꞌun te kꞌalal tal te machꞌa ya sakub kꞌinal ta stojolik yuꞌune, la spꞌajik. Jaꞌ ben skꞌanojik te ijkꞌal kꞌinale, skaj te ma tsaꞌamuk yaꞌtelike.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

San Juan 5:41

“Te joꞌone ma jkꞌan akꞌel ta jkuenta yuꞌun te genteetike.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 6:37

Spisil te machꞌa ya yaꞌbon te jTate ya xtal ta jtojol; y te machꞌatik ya xtal ta jtojole, makꞌ ya jlokꞌes bael ta juera.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.