San Juan 5:39 - Nuevo Testamento Tzeltal de Amatenango

³⁹ Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

Bible in Tzeltal Bachajón

³⁹ Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

Bible in Tzeltal de Oxchuc y Tenejapa

³⁹ Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

San Juan 5:39 ပူးပေါင်းရင်းမြစ်များ

San Mateo 22:29

Te Jesuse la sjakꞌtalanbe: —Te jaꞌexe jowiyemex ta kꞌop yuꞌun maꞌ ba kꞌoem ta awoꞌtanik te tut tsꞌibabil jilel ta Sjun te Diose sok maꞌyuk ta awoꞌtanik te tutꞌil ay spoder te Diose.

San Marcos 10:3

La sjakꞌ te Jesuse: —¿Tut xchi te smantal te Moisese? —xchi.

San Marcos 12:10

“¿Me maꞌyuk awilojikuk ta Sjun Dios te jich ya yale?: “Te ton te ma tsaꞌamuk ya yilik te alwaniletike jaꞌ yiptajib chikin-na kꞌotix stukel.

San Lucas 16:29

“Te jꞌAbrahame la yalbe: “Yichꞌojbeyikix te sjun Moisese sok euk te sjun jꞌalwanejetik yuꞌun te Diose. Jaꞌ me aꞌ yakꞌik ta jkuenta te tut ya yalike”, xchi.

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Juan 1:45

Te jFelipee ba slej tal te jNatanaele, y la yalbe: —La jtatikix te machꞌa stsꞌibayejbe jilel skꞌoplal te jMoisese te ba sjunal te mantaliletike, sok te tsꞌibabil jilel skꞌoplal yuꞌun te jꞌalwanejetike. Jaꞌix te Jesus te xnichꞌan Jose te talem ta jtejklum Nazarete —xchi.

San Juan 5:32

Pero ay yan te machꞌa ya yal jkꞌoplal ta testigoe, y jnaꞌoj te batsꞌi jich te jkꞌoplal te ya yal ta testigoe.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 5:40

Te jaꞌexe ma xꞌakꞌan xtalex ta jtojol yuꞌun te ya ataik a te kuxlejale.

San Juan 5:46

Porke te jaꞌuk achꞌuunnejik te tuti la yal te jMoisese, ya achꞌuunikon euk te jichuke. Porke te jMoisese jaꞌ jkꞌoplal te la stsꞌiba jile.

San Juan 7:52

Te fariseoetike la sjakꞌik: —Jich euk te jaꞌate, ¿me yuꞌun Galileoat? Nopa ta lek te Sjun Diose; teꞌ me ya awil a te ni jtul jꞌalwanej ya xtal ta Galileae —xyutik.

Hechos 13:27

Yuꞌun te machꞌatik ayik ta Jerusalene y te statal yuꞌunike maꞌ snaꞌik machꞌa a te Jesuse. Ni maꞌ yaꞌibeyik sluwar te tuti yal te jꞌalwanejetik yuꞌun Dios te la yichꞌ ilel ta sinagogaetik te jujun kꞌaal ta skꞌaalel kuxo-oꞌtane. Jicha kꞌot ta pasel ta skuentaik te tut yaloj Dios ta skuenta te jꞌalwanejetik yuꞌun, te tutꞌil la yakꞌik ta milel te Jesuse.

Hechos 17:11

Te juriyoetik te ayik ta jtejklum Bereae ay srazonik, ma pajaluk sok te machꞌatik ay ta jtejklum Tesalónicae. Ben jun yoꞌtanik la yaꞌiybeyik sluwar te tuti altalanbot yuꞌun te jPabloe. Jujun kꞌaal ya yilik ta Sjun Dios teme jich te tut ya xꞌaltalanbote.

Hechos 26:27

Te jaꞌate, rey Agripa, ¿me ya achꞌuun te tut yaloj te jꞌalwanejetike? Ya jnaꞌ te achꞌuuneje —xchi te jPabloe.

Romanos 1:2

Ta skuenta te jꞌalwanejetik yuꞌune, Dios yalojbeyix skꞌoplal te lekil achꞌ kꞌop to ta xchꞌul sjune.

Romanos 3:2

Bayal ya sta y lom bayal skꞌoplal. Te primeroe, akꞌtalanbot ta skuentaik te juriyoetik te skꞌop Dios.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Hebreos 11:16

Pero stukelike la skꞌan yoꞌtanik te ben tsaꞌam slumalike, jaꞌ bi, la skꞌan slumalin te chꞌulchane. Jaꞌ yuꞌun Dios mak xkꞌexaw te jaꞌ Dios yuꞌunike, yuꞌun chapojlanbe jun mukꞌul jtejklum.

Hebreos 11:35

Ay antstik te la yichꞌik chaꞌkusesel te machꞌatik ay yuꞌunike. Ay yax te laj chamik yuꞌun te tulan wokole, maꞌ skꞌanik te ya xjilik ta libree yuꞌun jaꞌ ya skꞌanik te ya xchaꞌkuxik te ba ay te lom tsaꞌamix kuxlejal ae.

Apocalipsis 19:10

La jkejan jba ta yok te ángele, yuꞌun ya kichꞌ ta mukꞌ. Pero te ángele la yalbon: —Ma xꞌapas jich. Yuꞌun te joꞌone yaj-aꞌtelon euk te Diose, jich mismo te tutꞌil jaꞌate y sok te awermanotak te sigue jun yoꞌtanik ta yalel ta jamal te skꞌoplal Jesuse. Jaꞌ me xꞌawichꞌ ta mukꞌ te Diose —xchi. Yuꞌun te skꞌoplal te Jesuse jaꞌ ya xꞌalbot ta yoꞌtanik te machꞌatik jꞌalwanejetik yuꞌun te Diose.