San Juan 5:37 - Nuevo Testamento Tzeltal de Amatenango

³⁷ Y jich te Tatil te la stikonon tale jaꞌ ya yakꞌon ta naꞌel stukel. Manchuk teme maꞌyuk awaꞌiyejbeyik te skꞌope, sok te ni maꞌyuk awilojike,

Bible in Tzeltal Bachajón

³⁷ Soc te Tatil te la sticonon tal, ha nix la yalbon jc'oblal. Mayuc awa'iybeyejic sc'op soc mayuc awilojic bin yilel,

Bible in Tzeltal de Oxchuc y Tenejapa

³⁷ Soc te Jtat te la sticunon tele, ja' testigo cu'un, manchuc teme xujt' ma'yuc awaiyojbeyic te sc'ope, soc manchuc teme ma'yuc banti awilojic te bi yilele,

San Juan 5:37 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 3:17

Sok ay machꞌa kꞌopoj tal ta chꞌulchan: —Jaꞌ i to jaꞌ jNichꞌan te lom bayal kꞌux ta koꞌtane. Ben jun koꞌtan yuꞌun —xchi.

San Marcos 1:11

Sok ay machꞌa kꞌopoj ta chꞌulchan. Jich a yal: —Jaꞌat jnichꞌanat te jkꞌanojate. Ben tsaꞌam koꞌtan awuꞌun —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

San Lucas 3:22

Jicha koj tal te Chꞌul Espíritu ta stojol te Jesuse, chiknaj ta ilel jich tutꞌil te palomae. Sok ay a aꞌiyot kꞌop ta chꞌulchan te jich a yale: —Jaꞌat Jnichꞌanat te ben kꞌuxat ta koꞌtane. Ben tsaꞌam koꞌtan awuꞌun —xchi.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 14:9

Te Jesuse la sjakꞌbe: —Felipe, bayalix kꞌaal te joyinejexe. ¿Ma to ya anaꞌbikon jba? Te machꞌa la yilonixe, yilojix euk te jTate. ¿Tuꞌun te ya akꞌan ya kakꞌ awil te jTate?

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 5:32

Pero ay yan te machꞌa ya yal jkꞌoplal ta testigoe, y jnaꞌoj te batsꞌi jich te jkꞌoplal te ya yal ta testigoe.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 8:18

Jich te joꞌone, joꞌon mismo testigoon yuꞌun te tut ya kale, y te Tatil te la stikonon tale jaꞌ jtul xan testigo —xchi te Jesuse.

1 Timoteo 1:17

¡Jaꞌ aꞌ kakꞌtik ta akꞌel ta jkuenta sok aꞌ kaltik slekilal sil tiempo te Ajwalil yuꞌun sbajtel kꞌinale, te stalel ay, sok ma chikanuk ta ilel, y stukel nax Diose! Jichuk.

1 Timoteo 6:16

Stukel nax stalel ay, te ay ta jun sakil kꞌinal, te maꞌyuk machꞌa ya xtijilaj aye. Ni jtuluk winik yiloj ni ma sta ta ilel. Stukeluk me sil tiempo ya xꞌakꞌot ta jkuenta y sil tiempo ay ta ajwalinel. Jichuk.

1 Juan 4:12

Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.

1 Juan 5:9

Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.