San Juan 5:36 - Nuevo Testamento Tzeltal de Amatenango

³⁶ Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

Bible in Tzeltal Bachajón

³⁶ Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

Bible in Tzeltal de Oxchuc y Tenejapa

³⁶ Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

San Juan 5:36 ပူးပေါင်းရင်းမြစ်များ

San Mateo 11:4

Te Jesus la yaltalanbe: —Baanik, baan albeyaik te Juane te tut la awilike sok te tut la awaꞌibeyik sluwarile.

San Lucas 2:49

La sjakꞌ te Jesuse: —¿Tuꞌun te ya aleikone? ¿Me yuꞌun ma xꞌanaꞌik te ya skꞌan ya kaꞌtelin te tut ay yuꞌun te Jtate? —xchi te Jesuse.

San Juan 10:25

Te Jesuse la sakꞌtalanbe: —La kalbeyexix te jaꞌexe, y ma la achꞌuunbikon. Te tut ya jpas ta skuenta te jTate jamal ya yakꞌ ta ilel.

San Juan 11:37

Pero ay chaꞌoxtul te juriyoetik te jich a yalike: —Jaꞌ to jaꞌ te la sjambe sit te choke. ¿Meꞌn ma wan xjuꞌ yuꞌun te maꞌ yakꞌ chamuk te jLazaroe? —xchiik.

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 17:4

La kakꞌix ta ilel te alekilal ta balmilale, yuꞌun juꞌix ta pasel kuꞌun te tut la awaꞌbon jpase.

San Juan 2:23

Te kꞌalal ay ta Jerusalen a te Jesuse te stiempoil te kꞌin Pascuae, bayal machꞌa xchꞌuunik te Jesuse yuꞌun la yilbeyik seña smilagro te ya spase.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 4:34

Pero te Jesuse la yaltalanbe: —Te jweꞌele jaꞌ te ya jpasbe sboluntar te machꞌa la stikonon tale, y jaꞌ to teme juꞌ kuꞌun te yaꞌtele.

San Juan 5:32

Pero ay yan te machꞌa ya yal jkꞌoplal ta testigoe, y jnaꞌoj te batsꞌi jich te jkꞌoplal te ya yal ta testigoe.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

1 Juan 5:9

Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.