San Juan 5:34 - Nuevo Testamento Tzeltal de Amatenango

³⁴ Pero te joꞌone makꞌ xtuun kuꞌun teme ya yalbon jkꞌoplal ta testigo te gentee. Jaꞌ nax ya kalbeyex to yuꞌun te jaꞌexe jich me ya xkolex.

Bible in Tzeltal Bachajón

³⁴ Ma yu'unuc ya quich' ta cuenta te bin xchi jc'oblal yu'un winiquetic; pero ha ya cal ini scuenta yu'un hich me ya xcolex a.

Bible in Tzeltal de Oxchuc y Tenejapa

³⁴ Te jo'one ma yu'unuc ay stuul cu'un jtuquel teme ya yalbon jc'oplal ta testigo-c'op te jtul winique. Ja'uc me to, ja' la calbeyex swenta yu'un jich me ya xcolex.

San Juan 5:34 ပူးပေါင်းရင်းမြစ်များ

San Lucas 13:34

“Jerusalen, Jerusalen, te kꞌayemat ta smilel te jꞌalwanejetik yuꞌun te Diose, sok kꞌayemat ta xchꞌojel ta ton te machꞌatik tikonlanbil tal yuꞌun Dios ta atojolike. Bayal buelta te kꞌan jtsob te awal-anichꞌanike jich tutꞌil ya stsob xchꞌinik yal ta yanil xikꞌ te mute, pero ma la akꞌanik.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 5:32

Pero ay yan te machꞌa ya yal jkꞌoplal ta testigoe, y jnaꞌoj te batsꞌi jich te jkꞌoplal te ya yal ta testigoe.

San Juan 5:41

“Te joꞌone ma jkꞌan akꞌel ta jkuenta yuꞌun te genteetike.

San Juan 8:54

Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

Romanos 10:1

Kermanotak, ya skꞌan koꞌtan y sok te ya jkꞌoponbe Dios te israeletike, te jaꞌuk ya staik euk te kolele.

Romanos 10:21

Y jaꞌ skꞌoplal te israeletik te jich ya yal te jꞌIsaiase: “Spꞌejel kꞌaal jtoyoj jkꞌabꞌ ta smaliyel te jun jtejklum te ma xchꞌuun mantale y sok te jkꞌaxintawanejetike”, xchi me.

Romanos 12:21

Ma me awakꞌ stsalex te tut ma tsaꞌamuke. Jaꞌ lek tsalaik me te tut ma tsaꞌamuke ta skuenta te tut leke.

Romanos 3:3

¿Pero, tut ya sta a teme ma junuk yoꞌtan jtul chebuke? ¿Me yuꞌun wan teꞌ sjilesotikix a te Diose teme ma junuk koꞌtantike?

1 Corintios 9:22

Te kꞌalal ayon te ba ay te machꞌatik maꞌyuk spuersa xchꞌuunel yoꞌtanike, jich ya kakꞌ jba euk te tutꞌil maꞌyuk jpuersa, yuꞌun jich ya jpasbe ganar ekꞌa. Jich pajal nax a kakꞌ jba ta spisil yuꞌun jich me ya xjuꞌ te ay machꞌa ya xkol a.

1 Timoteo 4:16

Ila me aba jaꞌat mismo, y sok kuidadoat me yuꞌun spisil te tut ya awakꞌ ta nopele. Junuk awoꞌtan ya me apas spisil. Teme jich ya apase, jaꞌat mismo ya akoltay aba, y jich me ya akoltay euk te machꞌatik ya yaꞌibeyat akꞌope.

1 Juan 5:9

Teme ya kichꞌtik te testigo-kꞌop yuꞌun te genteetike, mas to ya kichꞌtik te testigo-kꞌop yuꞌun te Diose te mas bale stukel. Porke te testigo-kꞌop yuꞌun te Diose, jaꞌ a yalbe skꞌoplal te Xnichꞌane.