San Juan 5:26 - Nuevo Testamento Tzeltal de Amatenango

²⁶ Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

Bible in Tzeltal Bachajón

²⁶ Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

Bible in Tzeltal de Oxchuc y Tenejapa

²⁶ Melel te Tatil cuxul ta stuquel, soc ja' nix jich yac'ojbey ta swenta te Snich'anile, jich nix cuxul ta stuquel uuc.

San Juan 5:26 ပူးပေါင်းရင်းမြစ်များ

San Juan 1:4

Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

San Juan 10:18

Maꞌyuk machꞌa ya spojbon te jkuxlejale yuꞌun joꞌon mismo ya kakꞌ jba ta milel. Ya xjuꞌ ya kakꞌ jba ta milel sok ya xjuꞌ ya jchaꞌichꞌon xan te jkuxlejale. Jich spasojon tal ta mantal te jTate —xchi te Jesuse.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 11:26

Y spisil te machꞌa kuxajtik to a te ya xchꞌuunone makꞌ xcham sbajtel kꞌinal. ¿Me ya achꞌuun tsꞌin to? —xchi.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

San Juan 6:57

Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

Hechos 17:25

sok ma yuꞌunuk ayuk tut ya xjuꞌ ya kaꞌbetik stukel. Yuꞌun stukel te yakꞌoj kuxuyinukotike sok te ya kichꞌtik ikꞌe sok yakꞌojbotik spisil te tutik ya xtuun kuꞌuntike.

1 Corintios 15:45

Jich ya yal te Sjun Diose: “Te primero winik jꞌAdan, aꞌbot stiꞌbalul sok xkuxlejal”, xchi me. Pero te slajibal jꞌAdane, jꞌakꞌ-kuxlejal stukel ta skuenta Espíritu.

1 Timoteo 1:17

¡Jaꞌ aꞌ kakꞌtik ta akꞌel ta jkuenta sok aꞌ kaltik slekilal sil tiempo te Ajwalil yuꞌun sbajtel kꞌinale, te stalel ay, sok ma chikanuk ta ilel, y stukel nax Diose! Jichuk.

1 Timoteo 6:16

Stukel nax stalel ay, te ay ta jun sakil kꞌinal, te maꞌyuk machꞌa ya xtijilaj aye. Ni jtuluk winik yiloj ni ma sta ta ilel. Stukeluk me sil tiempo ya xꞌakꞌot ta jkuenta y sil tiempo ay ta ajwalinel. Jichuk.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Apocalipsis 21:6

Ta patil la yalbon: —Juꞌix ta pasel joꞌon te ayon ta slijkibale y sok ta slajibale. Te machꞌa takin yoꞌtane, ta majtanil ya me kaꞌbe yuchꞌ te lokꞌi-jaꞌ yuꞌun te kuxlejale.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 7:17

Porke te Chꞌin Karnerae, te teꞌey ba yolil te mukꞌul naktajibale, ya skanantaylan jachik tutꞌil ya yichꞌ kanantayel te karneraetike. Y ya yikꞌtalan bael te ba lokꞌi-jaꞌ yuꞌun te kuxlejale. Y Dios ya skustalanbot yuꞌun spisil te yaꞌlel sitike —xchi.