San Juan 5:19 - Nuevo Testamento Tzeltal de Amatenango

¹⁹ Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

Bible in Tzeltal Bachajón

¹⁹ La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

Bible in Tzeltal de Oxchuc y Tenejapa

¹⁹ Te Jesús caj yalbey yaiyic: —Jamal ya calbeyex, te Nich'anile ma'yuc bila ya spas ta stuquel nax te bila ya sc'an te yo'tane. Ja' ya spas te bila ya yil te ya spas te Tatile, ja' nix ya spas uuc te Nich'anile.

San Juan 5:19 ပူးပေါင်းရင်းမြစ်များ

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

San Lucas 21:15

Porke joꞌon me ya kaꞌbeyex spꞌijil awoꞌtanik ta kꞌop. Te ni jtuluk ya xjuꞌ sujtesel te akontraike, sok te ma xjuꞌ ya skontra-kꞌoptayat yuꞌunike.

San Juan 10:18

Maꞌyuk machꞌa ya spojbon te jkuxlejale yuꞌun joꞌon mismo ya kakꞌ jba ta milel. Ya xjuꞌ ya kakꞌ jba ta milel sok ya xjuꞌ ya jchaꞌichꞌon xan te jkuxlejale. Jich spasojon tal ta mantal te jTate —xchi te Jesuse.

San Juan 12:49

Porke ma joꞌukon jkꞌop te ya kale, ja skꞌop te jTat te la stikonon tale. Jaꞌ yalojbon mantal te tut ya kale sok te tut ya kakꞌ ta nopele.

San Juan 12:50

Y jnaꞌojbe sluwar te smantal te jTate, jaꞌ te kuxlejal sbajtel kꞌinale. Jaꞌ yuꞌun te tut ya kale, ya kal te tut yalojbon tal ta mantal te jTate —xchi te Jesuse.

San Juan 14:10

¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

San Juan 2:19

Te Jesuse la sjakꞌtalanbe: —Jimaik te mukꞌul templo to y ta oxeꞌ nax kꞌaal ya jpas xan ta achꞌ —xchi.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

San Juan 9:4

Te tutꞌil ayotik to ta kꞌajkꞌaltike, puersa me ya jpasbe yaꞌtel te Machꞌa la stikonon tale. Yuꞌun ya xꞌijkꞌub te kꞌinale, te kꞌalal maꞌyukix machꞌa ya xꞌaꞌtej ae.

Hechos 2:24

Pero Dios la xchaꞌkuses tal, la skolta tal lokꞌel te ba ay spoder te lajele. Porke te lajele ma juꞌ yuꞌun te jmel nax a yuꞌunine.

Romanos 6:4

Yuꞌun ta skuenta te ichꞌjaꞌe jun nax a mujkotik sok Cristo y jchamotik. Sok jich tutꞌil chaꞌkux te Cristoe ta skuenta te slekil spoder te Jtatik Diose, jich ya xchaꞌkuxotik, sok ya kichꞌtik achꞌ kuxlejal.

Romanos 8:11

Y te Espiritue, te jaꞌ te la xchaꞌkuses tal te Jesuse, kuxulix ta akuentaik. Jaꞌ mismo te la xchaꞌkuses tal te Cristo, ya yaꞌbeyex achꞌ kuxlejal ta atiꞌbalulik te ya xlaje ta skuenta te Espíritu yuꞌun Dios te ayix ta atojolike.

1 Corintios 15:12

Pero teme jaꞌ ya kalbetik skꞌoplale te chaꞌkux tal te Cristoe, ¿porke ay jtul-cheb ya awalik te jaꞌexe te makꞌ xchꞌakux tal te animaetike?

2 Corintios 4:14

Porke jnaꞌojtik te Diose, te la chaꞌkuses tal te ba ay te animaetik te Kajwaltik Jesuse, jich me ya xchaꞌkusesotik tal sok te Jesuse, y jun nax ya yikꞌotik bael ta ba aye.

2 Corintios 5:10

Porke jpisiltik puersa me ya xkꞌo jtejkꞌan jbajtik ta sit te ba ya xchapawan te Cristoe, yuꞌun ta juju-tul ya yichꞌ te tut ya xkꞌot ta skuentae, chikan me lek o me ma lekuk te tutiꞌ spas te kꞌalal ay to sok stiꞌbalul ae.

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Filipenses 3:21

Ya me syanutesbotik bael te jtiꞌbalultik te maꞌyuk yipe, yuꞌun jich me ya xkꞌot te tutꞌil stiꞌbalul stukel te ben tsaꞌame. Y jich ya spas ta skuenta spoder te ya xjuꞌ yuꞌun spasel ta mantal spisil te tutik aye.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Colosenses 1:11

Ya jkꞌanbetik stukel te jaꞌ ya yaꞌbeyex apuersaike ta skuenta te stsaꞌamul spodere. Jich ya xjuꞌ awuꞌunik te ya xkujch awuꞌunik ta spisil yuꞌun te spuersa awoꞌtanike sok yuꞌun te apasensiae.

Colosenses 1:16

Ta skuenta stukel, Dios a spas spisil te tutik ay ta chꞌulchane y sok te ay ta balmilale, te tutik chikan ta ilele, sok te tut ma chikanuk ta ilele, jich tutꞌil te tut kuxajtik te ma chikanuk ta ilel te ya xmantalaj sok te ay yaꞌtel sok te ay spoder. Spisil la yichꞌ pasel ta skuenta te Xnichꞌane sok spisil ay ta skuenta stukel.

1 Tesalonicenses 4:14

Jich tutꞌil te jchꞌuunejtik te cham te Jesuse y chaꞌkux tale, jich jchꞌuunejtik te Dios ya xchꞌakuses tal sok Jesus te machꞌatik xchꞌuunej Dios a chamike.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.