San Juan 5:16 - Nuevo Testamento Tzeltal de Amatenango

¹⁶ Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

Bible in Tzeltal Bachajón

¹⁶ Ha scuentahil te hahch scontrahinic Jesús te judíohetic, como hich yac spasbel ta sc'ahc'alel cux-o'tan.

Bible in Tzeltal de Oxchuc y Tenejapa

¹⁶ Ja' swentail te la scontroinic Jesús te judioetic. Yo'tanuc smilic ta scaj te ja' ta sc'aalelal cux-o'tan te jich la spase.

San Juan 5:16 ပူးပေါင်းရင်းမြစ်များ

San Mateo 12:13

Jich a yalbe te winike: —Jacha te akꞌabe —xyut. Te kꞌalal la xjach te skꞌabe, jicha lekub. Pajal a kꞌot sok te jchꞌix xan skaꞌbe.

San Marcos 3:6

Jich a lokꞌik bael te fariseoetike, baj snopik sok te sjoꞌtak Herodese te tut ya yut ya smilik te Jesuse.

San Lucas 6:11

Te machꞌatik teꞌey ae beno laj ilinik yuꞌun. Lijk sjojkꞌobe sbaik te tut ya yutik te Jesuse.

San Juan 1:19

Te juriyoetik ta Jerusalene la stikonik bael saserdoteetik sok levitaetik ta stojol te Juane, yuꞌun ba sjojkꞌobeyik machꞌa a.

San Juan 10:39

Jich kꞌan stsakik xan bael te Jesuse, pero kol bael ta skꞌabik.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 5:10

Jaꞌ yuꞌun te juriyoetike la yalbe te machꞌa lekubixe: —Te ora to skꞌaalel kuxo-oꞌtan. Ma spas te awichꞌoj te awayibe —xyutik.

San Juan 5:13

Pero te mamale ma snaꞌ te machꞌa lekutesot yuꞌune, porke te Jesuse la xchꞌay sba bael ta yolil te ba ay bayal gentee.

San Juan 5:15

Te mamale bajt y la yalbe te juriyoetike te jaꞌ te Jesus a lekutesot yuꞌune.

San Juan 5:17

Pero te Jesuse la yaltalanbe: —Te Jtate yipal ta aꞌtel y jichon euk yipalon ta aꞌtel —xchi.

San Juan 5:18

Jaꞌ yuꞌun te juriyoetike mas a lijk snopik tut ya yut ya smilik te Jesuse porke ma jaꞌuk nax ya xkꞌaxintay ta skꞌopik te skꞌaalel kuxo-oꞌtane, jaꞌ smul ta skꞌopik ekꞌa te ya yal sba te pajal sok Diose, kꞌalal ya yal te jaꞌ sTat te Diose.

San Juan 7:21

Te Jesuse la yaltalanbe: —Apisilik te jaꞌexe jaꞌ ya yaꞌbeyex yajtal awoꞌtanik te tuti jpas ta skꞌaalel kuxo-oꞌtane.

San Juan 7:25

Ay jtul cheb te machꞌatik ayik ta Jerusalene lijk sjojkꞌobe sbaik: —¿Me ma wan jaꞌuk te winik to te ya xleot ta milele?