San Juan 4:48 - Nuevo Testamento Tzeltal de Amatenango

⁴⁸ Te Jesuse la sjakꞌbe: —Te jaꞌexe ma xꞌachꞌuunuk te jichuk makꞌ ya awilik te señaetik sok te milagroetike —xyut.

Bible in Tzeltal Bachajón

⁴⁸ Hich halbot yu'un te Jesús: Te manchuc yac awilic señahiletic soc jchahp a'teliletic, ma ba yac ach'uhunic te hichuque, xchi.

Bible in Tzeltal de Oxchuc y Tenejapa

⁴⁸ Te Jesús jich la yalbey: —Te manchuc ya awil te señailetic soc te jchajp at'eliletique ma ba ya ach'uunon te jichuque —la yut.

San Juan 4:48 ပူးပေါင်းရင်းမြစ်များ

San Mateo 16:1

Ay fariseoetik sok saduseoetik ba yilik te Jesuse yuꞌun ya skꞌan yilbeyik yoꞌtan. La skꞌanbeyik te yauk spas junuk seña smilagro te ya yakꞌ ta ilel te talem ta stojol Diose.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 27:42

—La skoltay te yanetik, pero ma xjuꞌ yuꞌun ya skoltay sba stukel. Teme jich te jaꞌ rey kuꞌuntik joꞌotik te jꞌisraelotike, aꞌ kouk tal te ba kruse. Jich me ya jchꞌuuntik euk.

San Marcos 13:22

Porke ay me ya xchiknaj lotil-cristoetik y lotil-alwanejetik. Ya me yakꞌ ta ilel señailetik sok milagroetik. Ya me sloꞌlayik ekꞌa te machꞌatik tꞌujtalanbilik yuꞌun te Diose te yauk xjuꞌ yuꞌunike.

San Lucas 10:18

Te Jesuse la yaltalanbe: —Laꞌ nix a. Yuꞌun yipalon ta yilel te chꞌay ta koel ta chꞌulchan te Satanase. Jich xlemeta koel tutꞌil te chawuke.

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.

San Juan 12:37

Manchuk me bayal señaetik smilagro a akꞌtalanbot yilik, pero ma xchꞌuunik te Jesuse,

San Juan 15:24

Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

San Juan 2:18

Te juriyoetike la sjojkꞌobeyik te Jesuse: —¿Tut seña ya awaꞌbotik kiltik te ay awaꞌtel ta spasel to? —xchiik kꞌoel.

San Juan 20:29

Te Jesuse la yalbe te jTomase: —Ya achꞌuun porke yuꞌun la awilonix. Ben tsaꞌam slekilik te machꞌa ya xchꞌuun manchuk me makꞌ ya yilone —xyut.

San Juan 4:49

Pero te mamale la yalbe: —Kajwal, konik ta ora antes te ya xcham te jnichꞌane —xchi.

Hechos 14:3

Pero te apostoletike bayal kꞌaal a jalajik teꞌa. Jaꞌ yip yoꞌtanik te Kajwaltike, jicha juꞌ yuꞌunik yalel te tutꞌil ayotik ta kꞌuxutayel yuꞌun te Kajwaltike. Jaꞌ a yakꞌ ta ilel te tut batsꞌi jich te tut ya yalike yuꞌun te Kajwaltike la yaꞌbe spoderik ta spasel señaetik y sok milagroetik.

Hechos 15:12

Jich ma machꞌa kꞌopojix a, y la yaꞌiybeyik sluwar skꞌop te jBernabe sok te jPabloe te la yalik te seña milagroetik te Dios a pasbot ta stojolik ta yolil te machꞌa ma juriyouke.

Hechos 2:19

Ta chꞌulchan ya me kakꞌ ta ilel te tut lom yanike, y ta balmilal ay me señaetik: ay me chꞌichꞌ sok kꞌajkꞌ sok pimil chꞌail.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Hechos 2:43

Spisilik lom yan a yilik te tutꞌil ay bayal milagroetik y señaetik te la yichꞌ pasel ta skuenta te apostoletike.

Hechos 4:30

Sok ta skuentauk apoder aꞌ koluk jchameletik y aꞌ pasuk seña milagroetik ta sbiil te achꞌul awaj-aꞌtel Jesuse —xchiik.

Hechos 5:12

Te apostoletike juꞌ yuꞌunik spasel bayal señaetik y milagroetik ta yolil te gentee. Y spisil te hermanoetike jun yoꞌtanik la stsobilan sbaik te ba yamakꞌ te Salomone.

Hechos 6:8

Te jꞌEstebane aꞌbil spoder sok bendision yuꞌun te Diose, jich ya spas seña milagroetik ta stojol te jtejklume.

Hechos 7:36

Y jaꞌ te jMoises te la slokꞌes tal ta Egipto te antibo jmeꞌ-jtatike. Y jaꞌ te la spas señaetik y milagroetik ta slum Egipto sok ta Tsajal Mar y sok ta jojchol tꞌantꞌan luwar te ba jalaj kuarenta jaꞌbile.

Romanos 15:19

sok ta spoder te seña milagroetik, y sok ta spoder te Espíritu yuꞌun te Diose. Jich ta bayuk nax ta spamal te balmilale la kalix te lek achꞌ kꞌop yuꞌun kolel ta skuenta te Cristoe, kꞌalal ta Jerusalen y ta bayuk nax asta ta Estado yuꞌun Iliria.

1 Corintios 1:22

Te juriyoetike ya skꞌan ya yilik jun seña milagro, y te griegoetike ya sleik spꞌijilik.

2 Corintios 12:12

Ta skuenta spisil te señailetik sok te milagroetik sok seña spoder Dios te la jpasulan ta atojolike, teꞌ chikan a te batsꞌi jich te apostolone.

2 Tesalonicenses 2:9

Te tutꞌil ya xtal te machꞌa ma lekuke, jaꞌ me ya xkoltayot yuꞌun te pukuje. Ya me xtal yakꞌ ta ilel bayal spoder y sok seña milagroetik te skuenta loꞌlayele.

Hebreos 2:4

Sok jaꞌ snujpꞌ kꞌot te skꞌopik te señailetik te ben tsaꞌam y bayal milagroetik te Dios a yakꞌ ta pasel. Sok ta skuenta te Chꞌul Espiritue te la yaꞌbotik jmajtꞌantik ta skajal skaje, chikan te tutꞌil ya skꞌan yoꞌtane.