San Juan 3:31 - Nuevo Testamento Tzeltal de Amatenango

³¹ Te machꞌa talem ta ajkꞌole jaꞌ mas mukꞌ stukel ke te spisil tutik aye. Te machꞌa skuenta nax balmilale ay nax ta skuenta balmilal, sok jaꞌ nax ya snaꞌ yalel te tut skuenta nax balmilale. Pero te machꞌa talem ta chꞌulchane, jaꞌ mas mukꞌ ke te tutik aye.

Bible in Tzeltal Bachajón

³¹ Te mach'a talem ta toyol, ha toyol yu'un spisil bintic ay; te mach'a li' nax ay ta bahlumilal, scuenta nax bahlumilal stuquel, soc sc'oblal nax bahlumilal te bin ya yale. Te mach'a talem ta ch'ulchan, ha toyol yu'un spisil yantic,

Bible in Tzeltal de Oxchuc y Tenejapa

³¹ Te mach'a talem ta toyole, ja' cajal ay yu'un spisil te bitic aye. In te mach'a swenta te balumilale, swenta nax balumilal, soc ja' nax ya sna' yalel te bila swenta te balumilale. Yan te mach'a talem ta ch'ulchane, cajal ay yu'un spisil te bitic aye.

San Juan 3:31 ပူးပေါင်းရင်းမြစ်များ

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Juan 1:15

Te Juane la yakꞌ sba ta testigo yuꞌun. Jich a yal: —Jaꞌ to jaꞌ te machꞌa la kalbe skꞌoplal te ya xtal ta patil kuꞌune, te jaꞌ mas ay ta jkuenta stukel ke te joꞌone. Porke ayix a stukele te kꞌalal ma to ayukon a te joꞌone —xchi te Juane.

San Juan 1:27

jaꞌ te machꞌa patil ya xtal kuꞌune. Te joꞌone ni ma spas ya jkujan jba ta spolbeyel te yakꞌil swawe —xchi te Juane.

San Juan 1:30

Jaꞌ to jaꞌ te la kalbe skꞌoplal te patil ya xtal kuꞌune te jaꞌ mas tulan skꞌoplal stukel ke te joꞌone, porke stalel ayix a stukele te kꞌalal ma to ayukon a te joꞌone.

San Juan 3:30

Jaꞌ me kꞌunkꞌun moel ay bael skꞌoplal stukel; yan te joꞌone yanyan me ya xlaj bael jkꞌoplal —xchi te Juane.

San Juan 6:33

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

San Juan 8:23

Te Jesuse la yaltalanbe: —Te jaꞌexe liꞌiyex ba alane; pero te joꞌone lijkemon tal ta ajkꞌol. Te jaꞌexe skuenta balmilal ayex; pero te joꞌone ma skuentaukon te balmilal to.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

Hebreos 9:1

Te primero tratee ay mantal yuꞌun te ya yal te tutꞌil ay te kultoe, sok ay jun naul pakꞌ templo ta balmilale.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

1 Juan 4:5

Te stukelike skuentaik nax balmilal; jaꞌ yuꞌun te ya yalbeyik te tutik nax skuenta te balmilale. Y te machꞌatik ayik ta skuenta te balmilale, ya yaꞌibeyik te tut ya yalike.

Apocalipsis 19:16

Te ba spalala kamixe y sok te ba yaꞌ tsꞌibabil a te jich ya yale: “Mukꞌul Rey yuꞌun reyetike, y Mukꞌul Ajwalil yuꞌun ajwaliletike”, xchi te sbiile.