San Juan 3:29 - Nuevo Testamento Tzeltal de Amatenango

²⁹ Jich tutꞌil te jnupunele. Te machꞌa ya xnujpun sok te achꞌixe jaꞌix smamlal abi. Yan te yamigo te winik te teꞌey ae, jaꞌ ben kontento yuꞌun te ya yaꞌiybey skꞌop te machꞌa ya xnujpune. Jichon euk ora to ben jun koꞌtan ta stojol te Jesuse.

Bible in Tzeltal Bachajón

²⁹ Te mach'a macbil yu'un te ach'ix, ha nix te querem ya xnuhpun soque; yan te yamigo te querem ya xnuhpun, ha te mach'a ay ta sts'ehl soc yac ya'iybel te sc'op, mero tse'el yo'tan yu'un c'alal ya ya'iybe sc'op te quereme. Ha scuentahil te mero tse'el co'tan yu'un.

Bible in Tzeltal de Oxchuc y Tenejapa

²⁹ Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

San Juan 3:29 ပူးပေါင်းရင်းမြစ်များ

San Mateo 22:2

—Te tutꞌil ya xkꞌot ta ajwalinel te Diose, jich kꞌoem te tutꞌil jtul rey te la spas kꞌin yuꞌun te ya xnujpun te xnichꞌane.

San Mateo 25:1

Sok la yal xan te Jesuse: —Te tutꞌil ay ta ajwalinel te Diose, jaꞌ pajal sok te ay lajuntul aꞌchetik te la yichꞌik bael skantilik ta smaliyel ta be te jnujpunele.

San Mateo 9:15

La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

San Lucas 15:6

Kꞌalal kꞌot ta snae, ya stsob tal te yamigotake sok te sbersinatake. Y jich ya yaltalanbe: “Ben kontentoukotik me, porke la jtaix tal te jkarnera te chꞌayem kuꞌune”, xchi ta yalel.

San Juan 15:11

“Jich ya kalbeyex to yuꞌun jich me ben jun awoꞌtanik ta jtojol a, y jmel nax me ya awichꞌik te bujtsꞌan kꞌinal ya awaꞌiyike.

San Juan 16:24

Te ora to te jaꞌexe ma to ayuk tuti kꞌanojik ta joꞌon jkuenta. Kꞌanaik te tut ya akꞌanike, ya me yaꞌbelex. Jich me ya xjunub lek awoꞌtanik yuꞌun.

San Juan 17:13

“Te ora to ya xtalonix ta atojol. Pero la kalix jilel spisil to liꞌ ba balmilale, yuꞌun liꞌ to xan ayon to, yuꞌun jich me ya xjunub yoꞌtanik a, jich tutꞌil te joꞌon jun koꞌtane.

San Juan 3:30

Jaꞌ me kꞌunkꞌun moel ay bael skꞌoplal stukel; yan te joꞌone yanyan me ya xlaj bael jkꞌoplal —xchi te Juane.

2 Corintios 11:2

Tulan akꞌoplalik ta koꞌtan, jich tutꞌil tulan akꞌoplalik ta yoꞌtan te Diose. Joꞌon a kakꞌexix ta makel kꞌoem te ya xnujpun sok te jtul nax mamlalile, jaꞌ te Cristoe. Yuꞌun jich ya kakꞌex entregal ta stojol Cristo, jich tutꞌil jtul achꞌix te maꞌyuk smule.

Filipenses 2:2

a me junubuk xan koꞌtan awuꞌunik te tutꞌil jun awoꞌtan abaik ya xꞌanexe. Jun nax me xkꞌoex ta skuenta te xkꞌuxul awoꞌtanike, sok jun nax me awoꞌtan abaik, sok jun nax me te tutik ya anopike.

1 Juan 1:4

Te tutik to la jtsꞌibatik yuꞌun tsꞌakal me ya awichꞌik a te bujtsꞌan kꞌinale.

2 Juan 1:12

Bayal tut ya jkꞌan kalbeyex te jaꞌexe, pero ma jkꞌan ya jpas ta karta. Yuꞌun ay ta koꞌtan te ya xtal kilexe, y ya jkꞌoponex ta atekꞌlejalik. Yuꞌun jich me tsꞌakal a kichꞌtik te bujtsꞌan kꞌinale.

Apocalipsis 21:9

Tal jtul ta sjuktulul te angeletike te yichꞌojik te jukeb basoetik te nojel ta jukkaj te último tulan wokoletike. Y la yalbon: —Laꞌ. Ya kakꞌ awil te achꞌix te ya xnujpun sok te Chin Karnerae —xchi.