San Juan 3:27 - Nuevo Testamento Tzeltal de Amatenango

²⁷ Te Juane la yaltalanbe: —Maꞌyuk tut ya xjuꞌ yuꞌun spasel jtul winik teme ma jaꞌuk ya xꞌaꞌbot spas yuꞌun te Diose.

Bible in Tzeltal Bachajón

²⁷ La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

Bible in Tzeltal de Oxchuc y Tenejapa

²⁷ Te Juan jich la yal: —Ma'yuc jtuluc winic te ay bila ya xc'ot ta swenta spasel teme ma ja'uc ya x'ac'bot spas yu'un te Diose.

San Juan 3:27 ပူးပေါင်းရင်းမြစ်များ

San Mateo 21:25

Teme ya awalbikone, ya me kalbeyex euk te tut kaꞌtel kichꞌoj ta spasel to —xchi. Jich a lijk yalbe sbaik stukelik: —Teme ya kaltik te Dios la stikon tale, ya me yalbotik: “¿Tuꞌun te ma la achꞌuunik te tuti yale?” ya me yutotik.

San Mateo 25:15

Te jtule la yaꞌbey jilel joꞌeb talento-takꞌin, te yane la yaꞌbe cheb talento-takꞌin, sok te yane la yaꞌbe jun talento-takꞌin. Jaꞌ chikan te tut yilel ya xjuꞌ yuꞌun skanantayel te jujutule. Bajt tsꞌiin.

San Marcos 13:34

Jich me kꞌoem te tutꞌil jtul winik te jakal a bajt ta yan luware. La spas jilel ta mantal te yaj-aꞌteltake yuꞌun ya skanantay te nae. Jujutul la yaꞌbe jilel yaꞌtel, sok la yalbe jilel te jkanan-nae te ma me xwaye.

San Juan 10:41

Bayal genteetik a ba yilik, y la yalik: —Te Juane maꞌyuk a spas seña milagroetik jich tutꞌil to; pero batsꞌi jich spisil te tuti yalbe skꞌoplal te winik to —xchiik.

San Juan 6:65

Jich la yal xan: —Jaꞌ yuꞌun la kalbeyex te maꞌyuk machꞌa ya xtal ta jtojol te manchuk ya xꞌikꞌot tal yuꞌun te Tatile —xchi.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 12:6

Dios la yaꞌbotik skajal skaj te majtaniletike, chikan te tut la skꞌan a yaꞌbotik ta juju-tule. Jaꞌ yuꞌun, teme Dios la yaꞌbotik jmajtantik ta yalel te skꞌop Diose, aꞌ jpastik chikan te xchꞌuunel koꞌtantik te ay kuꞌuntike.

1 Corintios 1:1

Joꞌon jPabloon, te la yikꞌon ta aꞌtel te Diose ta skꞌanojel yoꞌtan. La yakꞌon ta apostolil yuꞌun te Jesucristoe. Joꞌon sok te hermano Sóstenese

1 Corintios 12:11

Pero ta spisil te jich ay ta pasele, jtul nax Espíritu ya yaꞌbe ta juju-tul te tut la skꞌan yoꞌtan stukele.

1 Corintios 15:10

Pero ta slekil yoꞌtan Dios te jich ayon te tutꞌil ayone, y te slekil yoꞌtan kuꞌune ma lomuk nax, yuꞌun atꞌejemonix bayal ke ta spisil te yanetike. Aunke ma joꞌukon kaꞌtel jtukel, yuꞌun jaꞌ aꞌtej ta jkuenta te Diose ta skuenta slekil yoꞌtan te la skoltayone.

1 Corintios 3:5

Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

1 Corintios 4:7

¿Machꞌa ya yakꞌ te jich ya apasike? ¿Me ay tut ay awuꞌunik te ma jaꞌuk yakꞌojbeyex te Diose? Y teme jaꞌ yakꞌojbeyex te Diose, ¿tuꞌun te ya atoy abaik yuꞌune? Ma jaꞌuk la aleik.

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.