San Juan 3:15 - Nuevo Testamento Tzeltal de Amatenango

¹⁵ para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal —xchi te Jesuse.

Bible in Tzeltal Bachajón

¹⁵ scuenta yu'un spisil te mach'atic ya sch'uhunic, ma ba ya xch'ayic, ay scuxlejalic sbahtel q'uinal.

Bible in Tzeltal de Oxchuc y Tenejapa

¹⁵ swenta yu'un spisil te mach'a ya xch'uune, ma xch'ay. Ya xcuxin sbajt'el q'uinal —xi' te Jesuse.

San Juan 3:15 ပူးပေါင်းရင်းမြစ်များ

San Mateo 18:10

“Ila me abaik, ma me ayuk jtuluk te maꞌyuk ta jkuenta awuꞌunik te machꞌatik chꞌin ayike. Ya kalbeyex te sil tiempo tekꞌatik te chꞌul angeletik yuꞌunik ta stojol te jTat te ay ta chꞌulchane.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Juan 20:31

Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

San Juan 3:16

Porke te Diose bayal a xpichꞌin yoꞌtan te genteetike. Jaꞌ yuꞌun la stikon tal te úniko jtul Xnichꞌane, para ke yuꞌun spisil te machꞌa ya xchꞌuune makꞌ xchꞌay. Ya sta xkuxlejal sbajtel kꞌinal.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:27

Ma me jaꞌuk xꞌawaꞌtelinik sleel te aweꞌelik te ya xlaje. Jaꞌ me xꞌawaꞌtelinik sleel te aweꞌelik te ya xkuxuyinex yuꞌun sbajtel kꞌinale. Jaꞌ to jaꞌ weꞌelil te ya yaꞌbeyex te Nichꞌanile, porke te Dios Tatile la yakꞌ chiknajuk te lek yoꞌtan yuꞌune —xchi te Jesuse.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

Hechos 13:41

“Aꞌiya awaꞌiyik jaꞌex jpꞌajawanejetik, xiꞌanik me, baanik ta chꞌayel. Porke ay me tut ya kakꞌ kꞌotuk ta pasel ta atojolik te kuxulex ta balmilale, te ma xꞌachꞌuunik aunke me ay machꞌa ya yalbeyex”, xchi me —xchi ta yalel te jPabloe.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

1 Corintios 1:18

Lom nax kꞌoem ta yoꞌtanik te machꞌatik chꞌayel ya xlaj bajtike te tutꞌ ay skꞌoplal te cham ta krus te Cristoe. Pero te skꞌoplal to jich kꞌoem ta koꞌtantik te jaꞌ spoder Dios yuꞌun te machꞌatik ya xkolotike.

2 Corintios 4:3

Y te skꞌoplal kolel te ya kaltike, jaꞌ nax ijkꞌal kꞌinal yuꞌun te machꞌatik ya xlaj bajt ta chꞌayele.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Hebreos 10:39

Y te joꞌotike ma jachikukotik tutꞌil te machꞌatik ya sujt ta spatike, te chꞌayel ya xlaj bajtik yuꞌune. Jaꞌ pajalotik sok te machꞌatik ya staik te kolele porke ay xchꞌuunel yoꞌtanik.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.