San Juan 3:13 - Nuevo Testamento Tzeltal de Amatenango

¹³ “Maꞌyuk machꞌa sujtem tal ta chꞌulchan, jaꞌ nax te machꞌa koem tal ta chꞌulchane. Jaꞌ bi, jaꞌ te Nichꞌanile.

Bible in Tzeltal Bachajón

¹³ Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

Bible in Tzeltal de Oxchuc y Tenejapa

¹³ “Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Juan 3:13 ပူးပေါင်းရင်းမြစ်များ

San Mateo 28:20

Sok aꞌbeyaik snopik xchꞌuunel spisil te jmantal te kalojbeyexe. Ma me xchꞌay ta awoꞌtanik te sil tiempo joyinejex ta jujun kꞌaale jaꞌto teme laj te balmilale —xchi te Jesuse. Jichuk.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 17:5

Te ora to, jTat, aꞌbon xan kichꞌ jlekilal ta atojol jich tutꞌil te pajal ay jlekilaltik te kꞌalal ma to xchiknaj a te balmilale.

San Juan 3:12

Teme ma xꞌachꞌuunik te tuti kalbeyex te tut skuenta te balmilale, ¿jaꞌukix kꞌan achꞌuunik a teme ya kalbeyex te tut skuenta te chꞌulchane?

San Juan 3:31

Te machꞌa talem ta ajkꞌole jaꞌ mas mukꞌ stukel ke te spisil tutik aye. Te machꞌa skuenta nax balmilale ay nax ta skuenta balmilal, sok jaꞌ nax ya snaꞌ yalel te tut skuenta nax balmilale. Pero te machꞌa talem ta chꞌulchane, jaꞌ mas mukꞌ ke te tutik aye.

San Juan 6:33

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

San Juan 6:38

Porke ma jaꞌuk koemon tal ta chꞌulchan yuꞌun te ya jpas te tut ya skꞌan koꞌtane; jaꞌ ya jpasbe sboluntar te jTat te la stikonon tale.

San Juan 6:42

Y la yalik: —¿Me ma wan jaꞌuk te Jesus te xnichꞌan Josee? Te joꞌotike ya jnaꞌbetik sba te state y sok te smeꞌe. ¿Tuꞌun te ya yal te ora to te koem tal ta chꞌulchane? —xchiik.

San Juan 6:46

“Maꞌyuk machꞌa yiloj te Tatile; úniko te joꞌone kiloj, yuꞌun teꞌ talemon ta stojol Dios.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

San Juan 6:62

¿Jal tsꞌin teme la awilik te ya xmo bael te Nichꞌanil te ba ay ta nail toe?

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

Hechos 2:34

Porke ma jaꞌuk te jꞌDavid te mo bael ta chꞌulchane. Yuꞌun mismo te jDavide la yal: “Te Kajwaltik Diose la yalbe te Kajwale: ‘Naklan ta sbatsꞌil jkꞌab

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Romanos 10:6

Pero te tutꞌil ya xkolikix yuꞌun smul ta skuenta nax te xchꞌuunel yoꞌtane, jich ya yal: “Ma me xꞌawal ta awoꞌtan: ‘¿Machꞌa me te ya xmo bael ta chꞌulchane?’ ma me xchiukex”, xchi te Moisese. Jaꞌ bi, yuꞌun ya yikꞌ tal koel te Cristoe.

1 Corintios 15:47

Te primero winike pasot ta tsꞌubilum y tsꞌubilum nax. Y te xchebal winike jaꞌ ta skuenta chꞌulchan stukel.

Efesios 1:23

Yuꞌun te juju-tijkꞌ hermanoetike jaꞌ stiꞌbalul kꞌoem te Cristoe. Jich tsꞌakalix a kꞌot a te Cristoe, y te Cristoe jaꞌ tsꞌakal yuꞌun spisil te tutik aye.