San Juan 21:5 - Nuevo Testamento Tzeltal de Amatenango

⁵ Te Jesuse la sjojkꞌolanbe: —Jkentik, ¿me ayix atsakojik te chaye? —xchi. La sjakꞌik: —Maꞌyuk —xchiik.

Bible in Tzeltal Bachajón

⁵ Joc'obotic yu'un te Jesús: Jnich'nab, ¿ay bal jtebuc we'elil awu'unic? xchi. Mayuc, xchihic.

Bible in Tzeltal de Oxchuc y Tenejapa

⁵ Te Jesús jich la yal: —Winiquetic, ¿ay bal la atsaquic cojt'uc te chaye? —xi'. La yalic: —Ma'yuc —xiic.

San Juan 21:5 ပူးပေါင်းရင်းမြစ်များ

San Mateo 14:15

Te kꞌalal ya xꞌijkꞌubix a te kꞌinale, te jnopojeletik yuꞌun te Jesuse tal skꞌoponik. Jich a yalik: —Mal kꞌaalix. Maꞌyuk machꞌa ay sna liꞌto. Tikonaix bael te genteetike, yuꞌun ya xba sman tut ya sweꞌik lum ba chꞌin kolonyaetike —xchiik.

San Marcos 8:7

Sok ay yichꞌojik chaꞌoxkojt chꞌinik chay. Te Jesuse la yalbe kola yal Dios yuꞌun y la yakꞌ xan ta pukel.

Filipenses 4:19

Te Dios kuꞌune ya me yaꞌbeyex spisil te tut palta ya awaꞌiyike, jich tutꞌil te slekilal skꞌulejal te ay yuꞌun te Cristo Jesuse.

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

1 Juan 2:13

Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

1 Juan 2:18

Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.