San Juan 21:22 - Nuevo Testamento Tzeltal de Amatenango

²² Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

Bible in Tzeltal Bachajón

²² Halbot yu'un te Jesús: Teme ya jc'an te cuxul to a te c'alal ya xtalone, ¿bin awochel a? T'unawon te ha'ate, xchi.

Bible in Tzeltal de Oxchuc y Tenejapa

²² La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.

San Juan 21:22 ပူးပေါင်းရင်းမြစ်များ

San Mateo 16:24

Te Jesuse jich a yalbe te jnopojeletik yuꞌune: —Te machꞌa ya skꞌan yakꞌ sba ta jnopojel kuꞌune, aꞌ me skoltay sba ta yoꞌtan. Aꞌ me xkuch skrus kꞌoem. Aꞌ me stsꞌakliyon.

San Mateo 24:27

Jich te tut ora ya xtal te Nichꞌanile, jich me ya xchiknaj tal te tutꞌil sansewaletik te ya xtil tal te ba xlokꞌ tal kꞌajkꞌale sok ba xchꞌay kꞌajkꞌale.

San Mateo 24:3

Laj abi, bajtik ta wits Olivailtik. Teꞌ kꞌo snajkan sba a te Jesuse. Te jnopojeletik yuꞌune tal skꞌoponik ta parte. Jich a yalik: —Ya jkꞌantik ya awalbotik te tut ora ya xkꞌot ta pasel te tut la awalbotike. ¿Tut señail ya xchiknaj ta ilel te tut ora ya xchaꞌtalate sok teme jaꞌix te slajibal kꞌaale? —xchiik.

San Mateo 24:44

Jaꞌ yuꞌun te jaꞌexe, chapalukex me ta maliwanej, yuꞌun kꞌalal ma chapalukex ae, jich ora ya xtal te Nichꞌanile.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

San Mateo 8:22

Te Jesus la yalbe: —Tsꞌakliyaon bael. Jaꞌ me aꞌ smuk te machꞌa pajal chamenik soke —xyut.

San Marcos 9:1

Jesus la yalbe xan: —Jamal ya kalbeyex, ay jtul cheb te liꞌ ayike te ma to xchamik a jaꞌ to te ya yilik te ya xtal sok spoder a te Kajwaltik Diose —xchi te Jesuse.

San Juan 21:19

Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.

San Juan 21:21

Te kꞌalal la yil te jPedroe, la sjojkꞌobe te Jesuse: —Kajwal, jal winik to, ¿tut ya xkꞌot ta skuenta? —xchi.

1 Corintios 11:26

Jich yuꞌun ta juju-chꞌoj te ya aweꞌik te waj to sok te ya awuchꞌik te tut ay ta basoe, jaꞌ ya awalik ta jamal a te tutꞌil a cham te Kajwaltike, jaꞌ to te kꞌalal ya xchꞌatal xane.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

1 Tesalonicenses 2:19

Porke ¿tut a te yip koꞌtantike sok te sbujtsꞌ koꞌtantike sok te jkoronatik kꞌoem te ben jun koꞌtanik yuꞌune? Jaꞌukex mismo, te kꞌalal ya sujt tal te Kajwaltik Jesucristoe.

Santiago 5:7

Pero te jaꞌexe, kermanotak, juꞌuk awuꞌunik smaliyel jaꞌto te ya xtal te Kajwaltike. Jich tutꞌil te jꞌatꞌel ta kꞌaltike ya smaliy te ya skaj te stsaꞌamul skosechae, puersa jun yoꞌtan ya smaliy te ya yakꞌ jaꞌale.

Santiago 5:8

Te jaꞌexe jich ya skꞌan te jun awoꞌtanik ya amaliyik euk, sok te junuk me awoꞌtanik, porke xnopet me ya xtal te Kajwaltike.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Apocalipsis 2:25

Pero ma me wakꞌ chꞌayuk te tut ay awuꞌunike asta jaꞌ to teme talone.

Apocalipsis 22:20

Te machꞌa yalojix ta jamal to, ya yal: —Batsꞌi jich ya me xtalon ta ora —xchi. Jichuk. Laꞌ, Kajwal Jesus.

Apocalipsis 22:7

La yal te Jesuse: —Ya me xtalon ta ora. Ben tsaꞌam slekil te machꞌa ya yakꞌ ta jkuenta te skꞌoplal te tut tsꞌibabil liꞌ ba libro to —xchi.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.