San Juan 21:19 - Nuevo Testamento Tzeltal de Amatenango

¹⁹ Te tutꞌil jich a yal te Jesuse, jaꞌ a yaꞌbe snaꞌ te tutꞌ ya xkꞌo chamuk te jPedroe, yuꞌun me jich ya yakꞌ ta ilel slekilal a te Diose. Ta patil la yalbe: —Laꞌ me, tsꞌakliyaon bael —xyut.

Bible in Tzeltal Bachajón

¹⁹ Hich la yal, yu'un la ya'be sna' te bin lajelil ya ya'iy te ya yac' ta ich'el ta muc' a te Diose. C'alal laj ta halbeyel a, la yal xan: T'unawon, xchi sc'oblal.

Bible in Tzeltal de Oxchuc y Tenejapa

¹⁹ Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

San Juan 21:19 ပူးပေါင်းရင်းမြစ်များ

San Mateo 10:38

Sok te machꞌa ma skꞌan ya skuch skrus kꞌoem te ya stsꞌakliyone, ma spas te kuꞌun ya xkꞌote.

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 8:22

Te Jesus la yalbe: —Tsꞌakliyaon bael. Jaꞌ me aꞌ smuk te machꞌa pajal chamenik soke —xyut.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 12:33

Jaꞌ to jaꞌ a yakꞌ ta naꞌbeyel sluwar te tutꞌ ya xchame.

San Juan 18:32

Jich a kꞌot ta pasel te tut yaloj te Jesuse te tut lajelil ya xkꞌot ta skuentae.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

San Juan 21:22

Te Jesuse la sjakꞌbe: —Teme ya skꞌan koꞌtan te kuxul to a te ya xchaꞌtalone, ¿tuti wochel a te jaꞌate? Laꞌ me, laꞌ tsꞌakliyaon —xyut.

Filipenses 1:20

Jich yuꞌun jaꞌ mukꞌ skꞌoplal ta koꞌtan te maꞌyuk tut ya jta kꞌexlal yuꞌune. Sinoke ya xjuꞌ xkꞌopojon sok spuersa koꞌtan ta sit ta spisilik. Y te ora to sok siluk tiempo ya me kakꞌ ta ichꞌel ta jkuenta te Cristoe. Chikan teme ya to xkuxuyinone o teme tey ya xlajonix aye.

2 Pedro 1:14

Te Kajwaltik Jesucristoe la yaꞌbonix jnaꞌ te ya jilesix te jkuxlejal ta balmilale.