San Juan 20:31 - Nuevo Testamento Tzeltal de Amatenango

³¹ Pero jaꞌ nax a yichꞌ tsꞌibayel to yuꞌun jich me ya achꞌuunik a te jaꞌ Cristo sok jaꞌ te xNichꞌan Dios te Jesuse. Y teme la achꞌuunike, ay akuxlejalik sbajtel kꞌinal ta skuenta te Jesuse.

Bible in Tzeltal Bachajón

³¹ Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

Bible in Tzeltal de Oxchuc y Tenejapa

³¹ Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 20:31 ပူးပေါင်းရင်းမြစ်များ

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Mateo 27:54

Te kapitane sok te soltaroetike te yipalik ta skanantayel te Jesuse la yilik te nijk te balmilale sok spisil te tuti kꞌot ta pasele. Jun xiꞌel a yichꞌik. Jich a yalik: —Jicha nix a te jaꞌ Xnichꞌan Dios te winik to —xchiik yuꞌun.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Marcos 16:16

Te machꞌa ya xchꞌuun sok ya yichꞌ jaꞌe, ya me xkol. Yan te machꞌa ma xchꞌuune ya me xꞌaꞌbot stoj smul stukel.

San Lucas 1:35

Te chꞌul ángele la sjakꞌ: —Ya me xjul ta akuenta te Chꞌul Espiritue. Ya me yaxintesat ta spoder te Chꞌul Dios te ay ta chꞌulchane. Jich te alal te ya xꞌayin awuꞌune, yuꞌun Dios stukel sok Xnichꞌan Dios ya xkꞌot te sbiile.

San Lucas 1:4

Jich me yaꞌ anaꞌbe sluwaril ta lek te tut batsꞌi jich nojpesbilate.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Juan 1:49

Te jNatanaele la yalbe: —Maestro, jaꞌat te xNichꞌanat te Diose, sok jaꞌat Reyat yuꞌun te Israele —xchi.

San Juan 10:10

Te machꞌa jꞌelekꞌe ya nax tal elkꞌajuk sok milwanuk sok ya xjimawan. Pero te joꞌone jaꞌ a talon yuꞌun te ya staik xkuxlejalike, yuꞌun jich me ben tsaꞌam ya sta xkuxlejalik.

San Juan 19:35

Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

San Juan 20:28

La yal te jTomase: —¡Kajwal kuꞌun! ¡Dios kuꞌun! —xchi.

San Juan 3:18

Te machꞌa ya xchꞌuun te xNichꞌan Diose maꞌyukix ta chꞌayel. Pero te machꞌa ma xchꞌuune, ayix bael ta chꞌayel ta skꞌaj te ma xchꞌuun te úniko jtul Xnichꞌan Diose.

San Juan 3:36

Te machꞌa ya xchꞌuun te Nichꞌanile ay xkuxlejal sbajtel kꞌinal; pero te machꞌa ma skꞌan xchꞌuun te Nichꞌanile, makꞌ xkuxuyin sbajtel kꞌinal. Ja nax ya yichꞌ tulan kastigo te ya xꞌakꞌtalanbot yuꞌun te Diose.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 3:16

Te tutꞌil ayix spuersa yok te winik to te ya awilik te ya anaꞌbeyik sbae, jaꞌ ta xchꞌuunel-oꞌtanil ta skuenta te Jesuse. Te xchꞌuunel-oꞌtanil ta skuenta te Jesuse jaꞌ te batsꞌi la slekutesix te winike te tutꞌil tekꞌelix ta asitike.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Hechos 8:37

Te Felipe la yalbe: —Teme spꞌejel awoꞌtan ya achꞌuune, ya spas ya awichꞌ te jaꞌe —xchi. Y te winike la sjakꞌ: —Ya jchꞌuun te jaꞌ Xnichꞌan Dios te Jesucristoe —xchi.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

1 Pedro 1:9

yuꞌun la ataikix te skolel achꞌulelike. Jaꞌ yuꞌun te tutꞌil jun awoꞌtanik sok te xchꞌuunel awoꞌtanike.

1 Juan 4:15

Machꞌauk a te ya yal ta jamal te jaꞌ Xnichꞌan Dios te Jesuse, kuxulix ta stojol Dios y Dios ayix ta yoꞌtan.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

Apocalipsis 2:18

Sok la yalbon: —Tsꞌibabeya xan ta sjun te ángel te ba ay jtijkꞌ hermanoetik te aylan ta Tiatirae: “Jaꞌ to jich ya yal te Xnichꞌan Diose, te jich ya xtil, te site jachik tutꞌil kꞌajkꞌ te xlaplune, y te yoke jachik tutꞌil bronse-takꞌin te xlemete.