San Juan 20:26 - Nuevo Testamento Tzeltal de Amatenango

²⁶ Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

Bible in Tzeltal Bachajón

²⁶ Waxaqueb c'ahc'al ta patil ayic ta yut na yan buelta te jnopojeletic, soc tey sjoquinejiquix a te Tomás. Macajtic a te puertahetic, tal stehc'an sba ta yohlilic te Jesús, hich la yalbe: ¡Lamaluc me q'uinal xawa'iyic! xchi.

Bible in Tzeltal de Oxchuc y Tenejapa

²⁶ Ta swaxaquebal c'aal ta patil stsoboj sbaic yan buelta ta na te jnopojeletique. Tey sjoinejiquix a te Tomase. Macal ta lec yu'unic te ti'nailetique, ja'uc me to, teq'uel julel ta yolilic te Jesuse. Jich la yal: —Muc'ubenuc me q'uinal ya awaiyic —xi'.

San Juan 20:26 ပူးပေါင်းရင်းမြစ်များ

San Mateo 17:1

Wakeꞌ kꞌaal ta patil a te Jesuse la yikꞌ bael te jPedro, te Jacoboe sok te yijtsꞌine, jaꞌ te Juane. Parte ikꞌtalanot bael yuꞌun te Jesuse ta jun mukꞌul wits te ben toyole.

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Lucas 24:36

Yipalik to ta yaꞌbiyanel a te tuti kꞌot ta pasele, te Jesuse xtekꞌloj kꞌoel ta yolilik, y la spatalanbe yoꞌtan: —Bujtsꞌanuk me kꞌinal ya awaꞌiyik —xchi.

San Lucas 9:28

Ayix wan waxkeꞌ kꞌaal a te jich a yal te Jesuse, mo bael ta wits yuꞌun ba skꞌopon Dios teꞌa. La yikꞌ bael te jPedroe, te Jacoboe, sok te Juane.

San Juan 11:16

Jich te jTomas, te “Loꞌalal” xꞌalbote, la yalbe te yan xan jnopojeletike: —Konikik euk. Koꞌn chamukotik sok —xchi.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Juan 21:1

Ta patil te Jesuse la yakꞌ sba xan ta ilel ta stojol te jnopojeletik yuꞌune te ba tiꞌ jaꞌ yuꞌun te Tiberiase. Jich a spas te la yakꞌ sba ta ilele:

San Juan 21:14

Jaꞌ to jaꞌ yoxmelalix ya yakꞌ sba ta ilel a te Jesus ta stojol te jnopojeletik yuꞌune te kꞌalal chaꞌkuxemix tal ae.

Hechos 1:3

Y ta patil, te kꞌaxix tal yuꞌun a te milele, la yakꞌ sba ta ilel ta stekꞌlejal. Klaro a yakꞌtalan ta ilel te tutꞌil kuxulixe. Kuarenta kꞌaal a yakꞌ sba ta ilel ta stojolik. Y la yaltalanbe sluwar te tutꞌil ay ta ajwalinel te Diose.