San Juan 20:25 - Nuevo Testamento Tzeltal de Amatenango

²⁵ Ta patil te yan xan jnopojeletike la yalbeyik: —La kiltikix te Kajwaltike —xchiik. Pero te jTomase la sjakꞌtalanbe: —Teme maꞌ kilbe te skꞌab te ba ejchenajemik yuꞌun te lawuxe sok teme ma kotses yal jkꞌab a ba ejchenajemik yuꞌun te lawuxe, sok te ba skostiyae, ma xjuꞌ ya jchꞌuun —xchi.

Bible in Tzeltal Bachajón

²⁵ Hich halbot yu'un te yantic jnopojeletic: La jquilcotiquix te Cajwaltique, xchihic. La yal te Tomás: Teme ma ba ya quil te banti och lawux ta sc'ab soc teme ma ba ya cotses yal jc'ab te banti och, soc teme ma ba ya cotses jc'ab te banti lowbot smochbaquel, ma ba ya jch'uhun, xchi.

Bible in Tzeltal de Oxchuc y Tenejapa

²⁵ Te yantic jnopojeletique, jich caj yalbeyic: —La quiltiquix te Cajwaltique —xiic. La yal te Tomase: —Ja' to ya xch'uun co'tan teme ya quilbey señail ta sc'ab te bay och te lawuxe, soc ja' to teme ya cac' ochel sbic'tal jc'ab tey a, soc ja' to teme ya cac' ochel jc'ab ta banti smoch —xi'.

San Juan 20:25 ပူးပေါင်းရင်းမြစ်များ

San Mateo 27:42

—La skoltay te yanetik, pero ma xjuꞌ yuꞌun ya skoltay sba stukel. Teme jich te jaꞌ rey kuꞌuntik joꞌotik te jꞌisraelotike, aꞌ kouk tal te ba kruse. Jich me ya jchꞌuuntik euk.

San Marcos 16:11

Kꞌalal la yaꞌiyik sluwaril te tutꞌil kuxulix te Jesuse, sok te tutꞌil la yilix te xMariae, ma skꞌan xchꞌuunik.

San Marcos 16:13

Te chaꞌtule ba yalbe yaꞌiyik te yanetike; jaꞌ nax jich ma skꞌan xchꞌuunbeyik te skꞌopike.

San Marcos 16:14

Ta patil to xan Jesus la yakꞌ sba ta ilel yuꞌun te buluchtul jnopojeletike te kꞌalal yipalik ta weꞌele. La yalbe ta jamal te maꞌyuk tut ya skꞌan xchꞌuunike sok te ben tulan yoꞌtanike, yuꞌun ma skꞌan xchꞌuumbeyik skꞌop te machꞌatik la yilikix te chaꞌkuxemix tale.

San Lucas 24:25

Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

San Juan 1:41

Te jꞌAndrese jaꞌ a bajt ta yoꞌtan ta sleel ta ora te sbankile, jaꞌ te Simone, y la yalbe: —La jtatikix te jMesiase —xchi kꞌoel. Te jMesias, “Cristo”, xchi kꞌoeme.

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

San Juan 21:7

Jich te jtul jnopojel, te machꞌa ben kꞌux ya yaꞌi sba sok te Jesuse, la yalbe te jPedroe: —Jaꞌ te Kajwaltike —xchi. Y kꞌalal la yaꞌi te Simon Pedroe te jaꞌ te Kajwaltike, ba slap ta ora te skꞌuꞌ-spakꞌe yuꞌun tꞌaxal, y la xchoj sba ochel ta jaꞌ.

San Juan 6:30

Jich a sjojkꞌobeyik: —¿Tut señail ya awaꞌbotik kiltik yuꞌun teme la kiltike ya me jchꞌuuntikat? ¿Tutik a te awaꞌtele?

Hebreos 3:12

Kermanotak, ila me abaik te ma me ayuk jtuluk te jaꞌex te ma lekuk awoꞌtanike yuꞌun te ya apit abaik ta stojol te kuxul Diose sok te ma xꞌachꞌuunike.

Hebreos 3:18

¿Y machꞌatik a albot skꞌoplal yuꞌun Dios te makꞌ xꞌochik te ba ay luwar te kuxo-oꞌtan yuꞌune? Jaꞌ te machꞌatik maꞌ xchꞌuunbeyik smantale.