San Juan 20:2 - Nuevo Testamento Tzeltal de Amatenango

² Jich xyalet kaꞌel te ba ay te Simon Pedroe sok te jtul xan jnopojele te machꞌa ben kꞌux a yaꞌi sba sok te Jesuse, y la yaltalanbe: —La yichꞌbeyikix lokꞌel stiꞌbalul te ba mukul te Kajwaltike, y ma jnaꞌtik ba la yakꞌik —xchi kꞌoel.

Bible in Tzeltal Bachajón

² Hich baht ta ahnimal ta stojol te Simón Pedro soc te yan jnopojel te c'ux ta yo'tan Jesús, hich c'oht yalbe: La yiq'uiquix loq'uel ta muquenal te Cajwaltic, ma jna'tic banti c'oht yaq'uic hilel, xchi.

Bible in Tzeltal de Oxchuc y Tenejapa

² Jich bajt' ta animal tey a ta ba ay te Simón Pedroe soc te yan jnopojel te bayal c'ux sba ta yo'tan soc te Jesuse. Jich c'o yalbey: —La yich'beyiquix loq'uel sbaq'uetal ta muquenal te Cajwaltique. Ma jna'tic te banti la yaq'uique —xi' c'oel.

San Juan 20:2 ပူးပေါင်းရင်းမြစ်များ

San Juan 13:23

Ay jtul te jnopojeletike te bayal skꞌanoj ta yoꞌtan te Jesuse te lotol ta weꞌel soke,

San Juan 19:26

Te Jesuse la yil te smeꞌ te teꞌ tekꞌel sok a te jnopojel te ben kꞌux a yaꞌi sba soke. La yalbe te smeꞌe: —Jmeꞌ, jaꞌ me awal ya xkꞌot te ya awile —xchi.

San Juan 20:13

Te chꞌul angeletike la yalik: —Ants, ¿tuꞌun te ya xꞌokate? —xchiik. Te antse la yalbe: —Yuꞌun la yichꞌbeyik bael stiꞌbalul te Kajwale, y ma jnaꞌ ba la yakꞌik —xchi.

San Juan 20:15

La yal te Jesuse: —Ants, ¿tuꞌun te yax okꞌate? ¿Machꞌa a te ya alee? —xchi. Te xMaria la skuy te jaꞌ te jkanan-huertae. La yalbe: —Mam xiꞌlel, teme jaꞌat la awichꞌbon bale, albon ba la awakꞌ, yuꞌun ya xba jlej tal —xchi.

San Juan 20:9

Yuꞌun ma to kꞌoemuk ta yoꞌtanik a te tut tsꞌibabil jilel ta Sjun te Dios te puersa ya xchaꞌkux tal te Jesuse.

San Juan 21:20

Te jPedroe sujt skꞌelu la yil te tsakal tal ta spat te jnopojel te machꞌa ben kꞌux a yaꞌi sba sok te Jesuse. Jaꞌ mismo te lotol ta weꞌel a te ay tuti sjojkꞌobeye: “Kajwal, machꞌa a te ya yakꞌat entregale”, te xchi aye.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

San Juan 21:7

Jich te jtul jnopojel, te machꞌa ben kꞌux ya yaꞌi sba sok te Jesuse, la yalbe te jPedroe: —Jaꞌ te Kajwaltike —xchi. Y kꞌalal la yaꞌi te Simon Pedroe te jaꞌ te Kajwaltike, ba slap ta ora te skꞌuꞌ-spakꞌe yuꞌun tꞌaxal, y la xchoj sba ochel ta jaꞌ.