San Juan 20:15 - Nuevo Testamento Tzeltal de Amatenango

¹⁵ La yal te Jesuse: —Ants, ¿tuꞌun te yax okꞌate? ¿Machꞌa a te ya alee? —xchi. Te xMaria la skuy te jaꞌ te jkanan-huertae. La yalbe: —Mam xiꞌlel, teme jaꞌat la awichꞌbon bale, albon ba la awakꞌ, yuꞌun ya xba jlej tal —xchi.

Bible in Tzeltal Bachajón

¹⁵ Joc'obot yu'un te Jesús: Ants, ¿bin yu'un yacat ta oq'uel? ¿Mach'a yac ale? xchi. Te María la scuy te ha jcanan-ts'unubil, hich la yalbe: Tatil, teme ha'at la awich'be bahel, halbon banti c'oht awac' hilel, yu'un ya quich'be bahel, xchi.

Bible in Tzeltal de Oxchuc y Tenejapa

¹⁵ Jich c'opoj te Jesuse: —Me'tic, ¿bistuc yacat ta oq'uel? ¿Mach'a ya ale? —xi'. Te María la scuy te ja' te jcanan-awalts'unubile. La yalbey: —Tatic, teme ja'at la aq'uech baele, albon caiy te banti la awac'bon jilele, yu'un ya xba jq'uech bael —xi'.

San Juan 20:15 ပူးပေါင်းရင်းမြစ်များ

San Mateo 12:34

Te jaꞌexe pajalex sok stsꞌumbal tiꞌawal chanetik. ¿Tutꞌil kꞌan lekuk te akꞌopike te ma tsaꞌamuk te awoꞌtanike? Te tut nojel ta koꞌtantike ya xchiknaj ta jkꞌoptik.

San Mateo 28:5

Te chꞌul ángele la yalbe te antstike: —Ma me xiꞌanik. Ya jnaꞌ te jaꞌ ya aleik te Jesus te milot ta kruse.

San Marcos 16:6

Pero kꞌoponlanot yuꞌun: —Ma me xiꞌanik. Te jaꞌexe yipalex ta sleel te Jesus Nazarete te la yichꞌ milel ta kruse. Pero chaꞌkuxemix bael. Ma liꞌiyukix to. Ilawilik ba yakꞌojik jilel te stiꞌbalule.

San Lucas 2:44

La skuyik te ay kꞌael ta yolil genteetik te Jesuse. Jicha beenikix bael jun kꞌaal a. Lijk sleik te ba sbersinatake y sok te machꞌatik ya xnaꞌbot sba yuꞌune.

San Lucas 24:5

Te antstike la skejan sbaik ta lum yuꞌun xiꞌel. Pero te winketike altalanbot yuꞌun: —¿Tuꞌun ya aleik te ba animaetik te machꞌa kuxulixe?

San Juan 1:38

Te Jesuse la skꞌelu sujtel y la yil te stsꞌaklajan tal ta spat te chaꞌtule. La sjojkꞌolanbe: —¿Tut ya aleik? —xchi. La yalik: —Maestro, ¿ba talemat? —xchiik.

San Juan 18:4

Pero te Jesuse snaꞌoj te spisil ya xkꞌot ta pasel ta stojole. Jich lokꞌ bael y ba sjojkꞌolanbe: —¿Machꞌa a te ya aleike? —xyut.

San Juan 18:7

Te Jesuse la xchaꞌ jojkꞌobe xan: —¿Machꞌa a te ya aleike? —xchi. Y la yalik xan: —Jaꞌ te Jesus talem ta Nazarete —xchiik.

San Juan 20:13

Te chꞌul angeletike la yalik: —Ants, ¿tuꞌun te ya xꞌokate? —xchiik. Te antse la yalbe: —Yuꞌun la yichꞌbeyik bael stiꞌbalul te Kajwale, y ma jnaꞌ ba la yakꞌik —xchi.