San Juan 19:15 - Nuevo Testamento Tzeltal de Amatenango

¹⁵ Pero te juriyoetike lijkik ta aw: —¡Bajtuk ta milel! ¡Bajtuk ta milel ta krus! —xchiik. Te jPilato la sjojkꞌolanbe: —¿Me ya wan spas ya kakꞌ ta milel ta krus te rey awuꞌunike? —xchi. Te stataletik yuꞌun te saserdoteetike la sjakꞌbeyik: —Te joꞌotike maꞌyuk yan rey kuꞌuntik, jaꞌ nax te César te ay ta Romae —xchiik.

Bible in Tzeltal Bachajón

¹⁵ Pero la yalic ta aw: ¡Loc'uc! ¡Loc'uc! ¡Ac'a yich' milel ta cruz! xchihic. Halbotic yu'un te Pilato: ¿Ha bal ya cac' ta milel ta cruz te Ajwalil awu'unique? xchi. La sjac' te principal sacerdotehetic: Mayuc yan ajwalil cu'uncotic, ha nax stuquel te César, xchihic.

Bible in Tzeltal de Oxchuc y Tenejapa

¹⁵ Cajic ta aw: —¡Bajt'uc ta milel! ¡Bajt'uc ta milel! ¡Mila ta cruz! —xiic ta aw. La yal te Pilatoe: —¿Ya bal stac' ya cac' ta milel ta cruz te muc' ajwalil awu'unique? —xi'. Te jwolwanej-sacerdoteetic la yalic: —Ma'yuc yan muc' ajwalil cu'untic, ja' nax stuquel te Césare —xiic.

San Juan 19:15 ပူးပေါင်းရင်းမြစ်များ

San Mateo 22:17

Albotik kaꞌitik te tut kꞌoem ta awoꞌtan yuꞌun te mantaliletike. ¿Me ya xjuꞌ ya jtojtik tojemal yuꞌun te Cesare o ma xjuꞌ? —xchiik.

San Lucas 23:18

Pero spisil te genteetike lijk awunikuk: —Ikꞌaik bael ta milel me to. Ja xꞌakoles bael te jBarrabase —xchiik ta aw.

San Juan 18:31

Te jPilatoe la yaltalanbe: —Ikꞌaik bael te jaꞌexe y ban chapaik, chikan te tut ay te mantaliletik awuꞌunike —xyut. La yalik te juriyoetike: —Pero te joꞌotike maꞌyuk orden kuꞌuntik te ay machꞌa ya kakꞌtik ta milele —xchiik.

San Juan 19:6

Kꞌalal la yilik te stataletik yuꞌun te saserdoteetike sok te polisiaetike, lijk yawutayik: —¡Mila ta krus! ¡Mila ta krus! —xchiik. Te jPilatoe la yaltalanbe: —Ikꞌaik bal abi, ban milaik ta krus atukelik. Porke te joꞌone ni maꞌyuk a jtabe smul —xchi.

Hechos 13:28

Manchuk me maꞌyuk smul a stabeyik te ya xꞌakꞌot ta milel yuꞌune, pero la skꞌanbeyik te jPilato te ya yal mantal te ya xba mileke.

Hechos 21:36

Porke spisil te stsꞌaklajan kꞌoel a y xꞌawlajan kꞌael ta yalel: —¡Aꞌ chamuk! —xchiik.

Hechos 22:22

La yaꞌiyik te jich a yal te jPabloe. Jicha lijkik ta yawutayel: —¡Te winik to makꞌ skꞌan xkuxuyin! ¡Aꞌ chꞌayuk skꞌoplal liꞌ ba balmilale! —xchiik ta yawutayel.