San Juan 18:38 - Nuevo Testamento Tzeltal de Amatenango

³⁸ Te jPilato la yalbe: —¿Y tut a te batsꞌi jiche? —xchi. Kꞌalal laj yoꞌtan ta sjojkꞌoyel to, te jPilatoe lokꞌ xan bael ba skꞌopon te juriyoetike. Y la yaltalanbe: —Te joꞌone ni maꞌyuk smul a jtabe te winik to.

Bible in Tzeltal Bachajón

³⁸ ¿Binti a te smelelil c'ope? xchi te Pilato. Laj yalbel a, cha'loc' xan bahel ta stojol te judíohetic, hich c'oht yalbe: Mayuc smul la jtahbe.

Bible in Tzeltal de Oxchuc y Tenejapa

³⁸ La yal te Pilatoe: —¿Bila a te melele? —xi'. C'alal laj yo'tan ta yalel in to te Pilatoe, loc' bael ta sc'oponel xan te judioetique. Jich la yalbey yaiyic: —Xujt' ma'yuc smul la jtabey te winique.

San Juan 18:38 ပူးပေါင်းရင်းမြစ်များ

San Mateo 27:24

Te kꞌalal la yil te Pilato te maꞌyuk tut ya xjuꞌ yuꞌune, sok mas tulan xan alijk ta aw te genteetike, la stikon tal ta ichꞌel jaꞌ, y la spok skꞌab ta sit te genteetike. Jich a yal: —Ya me jpok te jkꞌabe yuꞌun jich me ya awilik te makꞌ jchꞌik jba ta smalel xchꞌichꞌel te winik to te maꞌyuk smule. Jaꞌex me ya amulinik atukelik —xchi.

San Marcos 15:14

La yal te Pilatoe: —¿Tut yuꞌun? ¿Meꞌn ay tut ma tsaꞌamuk spasoj? —xchi. Mas tulan a awunik xan: —¡Mila ta krus! —xchiik.

San Lucas 23:4

Jich te jPilatoe la yalbe te stataletik yuꞌun te saserdoteetike sok spisil te genteetike: —Ma jtabe tut smul te winik to —xchi.

San Juan 18:33

Te jPilatoe sujt ochel te ba spalasio. La yik te Jesuse y la sjojkꞌobe: —¿Me jaꞌat te Reyat yuꞌun te juriyoetike? —xchi.

San Juan 19:4

Chaꞌlokꞌ xan tal te jPilatoe, y la yaltalanbe: —Ila awilik, ya jlokꞌes tal te winike. Ya me anaꞌik a te ni maꞌyuk a jtabe smule —xchi.

San Juan 19:6

Kꞌalal la yilik te stataletik yuꞌun te saserdoteetike sok te polisiaetike, lijk yawutayik: —¡Mila ta krus! ¡Mila ta krus! —xchiik. Te jPilatoe la yaltalanbe: —Ikꞌaik bal abi, ban milaik ta krus atukelik. Porke te joꞌone ni maꞌyuk a jtabe smul —xchi.

Hechos 17:32

Te kꞌalal jich a yaꞌiyik te chaꞌkux tal te ba ay animaetike, ay lijk ta ikꞌtinwanej yuꞌun. Y te yane la yalik: —Yan to buelta ya kaꞌitik xan te tut la awale, xchiik.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.