San Juan 18:28 - Nuevo Testamento Tzeltal de Amatenango

²⁸ La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

Bible in Tzeltal Bachajón

²⁸ La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

Bible in Tzeltal de Oxchuc y Tenejapa

²⁸ La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Juan 18:28 ပူးပေါင်းရင်းမြစ်များ

San Mateo 27:27

Jich te soltaroetik yuꞌun te gobiernoe la yikꞌik ochel ta palasio te Jesuse, y la stsob sbaik tal spisil te soltaroetike y la sjoyik.

San Marcos 15:16

Jich tsꞌin te soltaroetike la yikꞌik ochel te Jesus ta yutil yamakꞌul te palasioe, sok la stsobik tal ta stijkꞌil te soltaroetike.

San Lucas 22:66

Te kꞌalal sakubix tal a te kꞌinale, la stsob sbaik tal te moletik yuꞌun te juriyoetike sok te statal saserdoteetike sok te maestroetik yuꞌun te mantaliletike. La yikꞌik bael te Jesuse te ba stsobo sbaik, y la sjojkꞌobeyik:

San Juan 11:55

Xnopetix a te kꞌin Pascua yuꞌun te juriyoetike, y bayal genteetik yuꞌun te jtejlumetik yipalik ta bael ta Jerusalene yuꞌun ya xba yakꞌ sbaik ta lekutesel ta stojol Dios antes ke ya xkꞌot te kꞌin Pascuae.

San Juan 18:13

Nail a yikꞌik bael ta sna te jꞌAnas te jaꞌ sniꞌal te jCaifase. Jaꞌ ay ta statal saserdoteil a te jCaifas te jaꞌbil abi.

San Juan 18:15

Te Simon Pedroe sok te yan jnopojele la stsꞌakliyik bael te Jesuse. Te jtul xan jnopojele ya xnaꞌbot sba yuꞌun te statal saserdotee, y och bael sok te Jesus te ba yamakꞌul sna te statal saserdotee.

San Juan 18:33

Te jPilatoe sujt ochel te ba spalasio. La yik te Jesuse y la sjojkꞌobe: —¿Me jaꞌat te Reyat yuꞌun te juriyoetike? —xchi.

San Juan 18:39

Pero jaꞌexe ay kostumbre awuꞌunik te ya jkoles lokꞌel jtul jchukel ta skꞌaalel te kꞌin Pascuae. ¿Me ya akꞌanik te jaꞌ ya jkoles bael te machꞌa Rey yuꞌun te juriyoetike? —xchi.

San Juan 19:11

Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

San Juan 19:14

Nopolix ol kꞌaal a, te tut kꞌaalil ya xchap sbaik yuꞌun te kꞌin Pascuae. Te jPilato la yalbe te juriyoetike: —¡Awilik te Rey awuꞌunike! —xchi.

San Juan 19:9

Chaꞌoch xan bael te ba spalasioe. Jicha kꞌo sjojkꞌobe xan te Jesuse: —¿Ba talemat? —xyut. Pero te Jesuse ni jpꞌaluk a sjakꞌbe.

Hechos 10:28

Te jPedroe la yaltalanbe: —Te jaꞌexe anaꞌojik sluwar te juriyoeitk te ma xjuꞌ ya sta sba sok te jyanlumetike, ni ma xjuꞌ ya xꞌochik ta sna. Pero te Diose la yaꞌbonix kil te ma xjuꞌ ya kal te ma lekuk skꞌoplal jtuluk gentee, sok ma xjuꞌ ya jpꞌaj.

Hechos 10:32

Jaꞌ yuꞌun tikona tal ta ikꞌel te Simon te jPedro te xꞌalbote, te ay ta jtejklum Jopee, te smajanejbe sna te jtul xan Simon te jkꞌaꞌutesej-nujkul te ay sna ta tiꞌmare”, yuton.

Hechos 11:3

La sjojkꞌobeyik: —¿Tuꞌun te ochat ta sna te machꞌatik ma yichꞌojuk sirkunsisione y weꞌat soke? —xyutik.

Hechos 3:13

Te Dios yuꞌun te jꞌAbrahame sok te jꞌIsaake sok te Jacobe, te Dios yuꞌun te antibo ameꞌ-atatike yakꞌojix ta akꞌel ta jkuenta ta mas te yaj-aꞌtele, jaꞌ te Jesuse, jaꞌ te machꞌa la awakꞌik entregal ta stojol te jꞌuꞌeletike. Jaꞌ te machꞌa kꞌan skoles te jPilatoe, pero te jaꞌexe ma la akꞌanik.

Hechos 4:27

Jichix a spas te Herodese sok te Poncio Pilatoe. La stsob sbaik liꞌ ba jtejklum to sok te jyanlumetik y sok te israeletike, la skontrainik te achꞌul awaj-aꞌtel Jesus te jaꞌ Cristo te tsabil awuꞌune.