San Juan 18:13 - Nuevo Testamento Tzeltal de Amatenango

¹³ Nail a yikꞌik bael ta sna te jꞌAnas te jaꞌ sniꞌal te jCaifase. Jaꞌ ay ta statal saserdoteil a te jCaifas te jaꞌbil abi.

Bible in Tzeltal Bachajón

¹³ Ha nahil la yiq'uic bahel ta stojol te Anás, como ha snihalmamal te Caifás te ay ta muc'ul sacerdote a.

Bible in Tzeltal de Oxchuc y Tenejapa

¹³ Jich neel la yiq'uic bael ta stojol Anás te snialmamal te Caifase. Ja' ay ta muc' sacerdoteil te Caifás ta swenta te ja'wile.

San Juan 18:13 ပူးပေါင်းရင်းမြစ်များ

San Mateo 26:3

Jaꞌ stiempoil a te la stsob sbaik te statal-saserdoteetike sok te maestroetik yuꞌun te mantaliletike sok te moletik yuꞌun te juriyoetike. Teꞌ stsob sbaik a te ba yamakꞌul sna te statal-saserdote Caifase.

San Mateo 26:57

Te machꞌatik xkꞌo stsakik tal te Jesuse la yikꞌik bael ta sna te statal-saserdote Caifase. Teꞌ stsoboj sbaik a te maestroetik yuꞌun te mantaliletike sok te moletike.

San Lucas 3:2

Sok ay ta statal saserdote a te jꞌAnas sok te Caifase. Jaꞌ stiempo a kꞌoponot yuꞌun Dios ta tꞌantꞌan kꞌinal te Juan te xnichꞌan mam Zacariase.

San Juan 11:49

Pero ay jtul te ta spisilike te jCaifas sbiile, te jaꞌ statal saserdote a te jaꞌbil abi, la yaltalanbe: —Te jaꞌexe ni ma tut ya anaꞌik.

San Juan 11:51

Pero te jCaifase ma stukeluk a snop te tut la yale. Dios a albot ta yoꞌtan yuꞌun te jich a yale, yuꞌun statal saserdote a te jaꞌbil abi. Yuꞌun te Jesuse puersa ya xkꞌo chamuk yuꞌun te nasion juriyoe.

San Juan 18:24

Jich te jꞌAnase chukul a stikon bael te Jesus ta stojol te statal saserdote jCaifase.

San Juan 18:28

La yikꞌik lokꞌel te ba sna jCaifas te Jesuse, sok teꞌ ikꞌot bael te ba spalasio te gobierno romanoe. Ya sakubix tal a te kꞌinale. Te juriyoetike ma ochik bael te ba palasioe, yuꞌun la snaꞌik te ya xꞌixtaꞌa skꞌoplalik teme ya xꞌochike, y jich ma spas ya sweꞌik te weꞌelil yuꞌun te kꞌin Pascuae.

San Juan 19:11

Jich te Jesuse la sjakꞌbe: —Maꞌyuk awaꞌtel kuꞌun te manchuk yakꞌojbeyat awaꞌtel te Diose. Jaꞌ yuꞌun te machꞌa la yakꞌon entregale, jaꞌ mas ay smul stukel ke te jaꞌate —xchi.

Hechos 4:6

Teꞌey ekꞌa te statal saserdote Anase sok te jCaifase sok te Juane sok te jꞌAlejandroe, sok spisil te machꞌa stsꞌumbal sbaik sok te statal saserdotee.