San Juan 18:11 - Nuevo Testamento Tzeltal de Amatenango

¹¹ Te Jesuse la yalbe te jPedroe: —Sujtesa ochel ta sna te a puñale. ¿Me yuꞌun wan ma puersauk ya xkꞌax jwokol jich te tutꞌil ya skꞌan te jTate te ya yakꞌ kꞌotuk ta jkuenta? —xyut.

Bible in Tzeltal Bachajón

¹¹ Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

Bible in Tzeltal de Oxchuc y Tenejapa

¹¹ Te Jesús jich la yalbey te Pedroe: —Ac'a ochel ta sna te apuñale. ¿Yu'un bal ma puersauc ya xwoclajon te bit'il jich ya sc'an te Jtat te ya xc'ot ta jwentae? —la yut.

San Juan 18:11 ပူးပေါင်းရင်းမြစ်များ

San Mateo 20:22

La sjakꞌbe te Jesuse: —Ma xꞌanaꞌbe sluwar te tut ya akꞌanike. ¿Meꞌn ya wan xjuꞌ awuꞌunik te wokol te ya yaꞌbelone sok te ilbajinel te ya kichꞌ te joꞌone? —xchi. La yalik: —Yak. Ya xjuꞌ kuꞌuntik —xchiik.

San Mateo 26:39

Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

San Mateo 26:42

Jicha bajt xan ta xchaꞌmelal ta skꞌoponel te Diose. Jich a yal xan: —Tat, teme puersa ya xkꞌax jwokole, a me pasuk te tut ya skꞌan awoꞌtane —xchi.

San Lucas 12:30

Porke spisil te tutik to jaꞌ nax baem ta yoꞌtanik sleel te machꞌatik ma snaꞌbe sba te Diose. Yan te jaꞌexe ay jtul Atatik te snaꞌoj te tutik ya xtuun awuꞌunike.

San Lucas 22:42

La yal: —Jtat, teme jich ya skꞌan awoꞌtane, ya xjuꞌ ya akꞌej bael te wokol to. Pero ma me jaꞌuk ya jpas te tut ya skꞌan koꞌtane. Ja me aꞌ pasuk te tut ya skꞌan awoꞌtane —xchi.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

San Juan 18:36

Te Jesuse la sjakꞌbe: —Te tutꞌil ajwalilone, ma jaꞌuk ta skuenta te balmilal to. Te yuꞌunuk jaꞌuke la me spasik pleto te abatetik kuꞌun te jichuke, yuꞌun jich ma yakꞌelon entregal ta skꞌab te juriyoetike. Pero ma jaꞌuk ta skuenta te balmilal to te tutꞌil ajwalilone —xchi.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

2 Corintios 10:4

Te tut ya jmak jbajtik aye, ma pajaluk sok te tut skuenta balmilale. Yuꞌun jaꞌ ta spoder te Diose te ya xjuꞌ ya jimtik a te tut wokol ta jimele. Y jich ya jimtik a te leel ta mulile.

2 Corintios 6:7

sok te lekuk ya xkꞌopojotik te tut batsꞌi jiche, y sok te ay spoder Dios ta jtojoltike. Aꞌ tuunuk kuꞌuntik te tut ya jkoltay jbajtik ae, jaꞌ te toj ayotike, te jaꞌ ya xtuun kuꞌuntik te ya kaꞌiytik tsalaw a sok te ya jmak jbatik a.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.