San Juan 17:26 - Nuevo Testamento Tzeltal de Amatenango

²⁶ La kakꞌix snaꞌbeyat aba y ya to me kakꞌ xan snaꞌbeyat aba. Jich tutꞌil te kꞌuxon ta awoꞌtane, jichuk me kꞌux ta awoꞌtan euk. Sok ya me xꞌanon ta yoꞌtanik —xchi ta skꞌoponel Dios te Jesuse.

Bible in Tzeltal Bachajón

²⁶ La jca'beyix sna'ic te abihile, soc ya to ca'be xan sna'ic, scuenta yu'un te sc'uxul awo'tan te ay ta jtojol ha nix hich ay ta stojolic, soc te junuc ayon soque, xchi ta sc'oponel Dios te Jesús.

Bible in Tzeltal de Oxchuc y Tenejapa

²⁶ La cac'beyix sna'bat aba, soc ya to me cac'at xan ta na'el, swenta yu'un jich me ay xc'uxul yo'tanic ya xc'otic jich bit'il te xc'uxul awo'tan ta jtojole. Soc ya me x'ainon ta yo'tanic uuc —xi' ta sc'oponel Dios te Jesús.

San Juan 17:26 ပူးပေါင်းရင်းမြစ်များ

San Juan 14:20

Te tut kꞌaalil te jich ya xkꞌot ta pasele, te me ya anaꞌbeyik sluwaril a te jun nax ayon sok te jTate y te jaꞌexe jun nax ayotik euk.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 15:15

Makꞌ ya kalbeyexix “kaj-aꞌtel”, porke te aj-aꞌtelile ma snaꞌ te tut ya spas te yajwale. Yan te jaꞌexe amigo ya kalbeyex, porke la kakꞌix anaꞌik spisil te tut yalojbon te jTate.

San Juan 15:4

Sigue me xꞌawakꞌ abaik ta jtojol; jich tutꞌil te joꞌone sigue me ayon ta atojolik. Te jejk skꞌabe ma spas ya yakꞌ sit ta stukel nax, teme ma teyuk lokꞌem tal te ba smukꞌul yakꞌile. Jaꞌ nax jich euk te jaꞌexe, ma xjuꞌ ya sitinex teme ma jmeluk nax ya awakꞌ abaik ta jtojole.

San Juan 15:9

Te joꞌone kꞌuxex ta koꞌtan, jich tutꞌil kꞌuxon ta yoꞌtan te jTate. Jmel nax me xꞌawakꞌ abaik te ba slekil koꞌtane.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 17:6

“La kakꞌix snaꞌbeyat aba te jayeb machꞌatik tsabil awuꞌun ta balmilal te la awaꞌbon ta jkꞌabe. Jaꞌat awuꞌun, pero la awaꞌbonix ta jkꞌab, sok ayix ta yoꞌtanik te akꞌope.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 6:56

Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

San Juan 8:50

Te joꞌone ma yuꞌunuk ya jkꞌan akꞌel te jkuenta, pero ay Machꞌa ya skꞌan ya yakꞌon ta akꞌel ta jkuenta, sok stukel yichꞌojon ta jkuenta.

Romanos 8:10

Pero teme ay ta awoꞌtanik te Cristoe, aunke chamen te atiꞌbalulik ta skaj te mulile, kuxul me achꞌulelik ta skuenta te libreix ayex ta stojol te Diose.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

1 Corintios 12:12

Te Cristoe jich ay tutꞌil te jtiꞌbalultike. Aunke ben bayal tut lokꞌem a, pero jun nax ay.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Efesios 5:30

Porke jaꞌ stiꞌbalul kꞌoem y joꞌotik stiꞌbalulotik kꞌoem ekꞌa.

Efesios 5:32

Jaꞌ to ben tulan skꞌoplal te mukul aye. Pero te joꞌone ya kal te jaꞌ skꞌoplal Cristo y sok te hermanoetike.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:10

Y te jaꞌexe tsꞌakal awichꞌojbeyik slekilal te Diose yuꞌun jun nax ayex sok te Cristoe, te jaꞌ jolol yuꞌun spisil te chꞌul angeletik te ay spoderik sok te ay yaꞌtelike.

Colosenses 3:11

Jich maꞌyukix skꞌoplal me juriyo o ma juriyouke, me yichꞌoj sirkunsision o ma yichꞌojuk, me jyanlum, o ma tsaꞌamuk ta genteil, me ay ta mosoil o libre ay. Te tut tulan skꞌoplale jaꞌ te Cristo, te jaꞌ yuꞌun ta spisil y ay ta skuenta spisil.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

Hebreos 2:12

Jich tutꞌil ya yal te Sjun Diose: “Ya me kal akꞌoplal ta skuenta te kijtsꞌinabe, y ya jkꞌayojinbeyat kayojetik ta skuenta te kongregasione”, xchi me.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.