San Juan 17:25 - Nuevo Testamento Tzeltal de Amatenango

²⁵ Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

Bible in Tzeltal Bachajón

²⁵ Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

Bible in Tzeltal de Oxchuc y Tenejapa

²⁵ Jtat, te toj awo'tane, ma sna'bat aba te mach'atic ayic ta swenta te balumilale. Yan te jo'one ya jna'bat aba jtuquel. Te mach'atic xch'uunejonixe sna'ojiquix te ja'at la aticunon tele.

San Juan 17:25 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Lucas 10:22

Y la yal xan: —Te Jtate la yaꞌbonix entregal ta jkꞌab spisil te tutik aye. Maꞌyuk machꞌa ya snaꞌbe sluwar te machꞌa a te Nichꞌanile; jaꞌ nax ya snaꞌbe sluwar te Jtate, Sok maꞌyuk machꞌa ya snaꞌbe sluwar te machꞌa ekꞌa te Jtate; jaꞌ nax stukel te Nichꞌanil te ya snaꞌbe sluware. Sok euk te jayeb machꞌa ya yaꞌbe snaꞌbe sbae —xchi te Jesuse.

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

San Juan 16:27

porke te Tatile kꞌux ya yaꞌiyex ta yoꞌtan. Jaꞌ kꞌuxex ta yoꞌtan porke kꞌuxon ta awoꞌtanik, sok xchꞌuunej awoꞌtanik te talemon ta stojol te Diose.

San Juan 16:3

Jich ya spasik yuꞌun ni ma snaꞌbeyik sba te jTate sok ma snaꞌbikon jba euk.

San Juan 16:30

Te ora to la jnaꞌtikix te spisil ay ta awoꞌtane, jich ma puersaukix te ay machꞌa ya sjojkꞌobeyat xane. Jaꞌ yuꞌun ya jchꞌuuntik te talemat ta stojol te Diose —xchiik.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:18

Jich te tutꞌil la atikonon tal ta stojol te machꞌatik ayik ta skuenta te balmilale, jich euk te joꞌone ya jtikonlan bael ta stojol te machꞌatik ayik ta skuenta te balmilale.

San Juan 17:21

JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

San Juan 17:23

Te joꞌone ayon ta yoꞌtanik, y te jaꞌate ayat me ta koꞌtan euk, yuꞌun jich me jun nax ya xkꞌotik. Jich te machꞌatik ayik ta skuenta te balmilale te me ya snaꞌbeyik sluwar a te jaꞌat la atikonon tale, sok te ben kꞌux ta awoꞌtan te machꞌatik xchꞌuunejonixe, jich tutꞌil te kꞌuxon ta awoꞌtane.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 6:19

Kꞌalal beenikix bael te barko joꞌeb o wakeb kilometro ae, la yilik te Jesuse te yipal ta beel ta baba mar. Tijilaj tal te ba barkoe, y la xiꞌik yuꞌun.

San Juan 7:29

Te joꞌone ya jnaꞌbe sba porke teꞌ talemon a y stukel stikonejon tal —xchi te Jesuse.

San Juan 8:19

La sjojkꞌobeyik: —¿Ba ay te atate? —xchiik. Te Jesuse la sjakꞌtalanbe: —Te jaꞌexe ma xꞌanaꞌbikon jba sok ma xꞌanaꞌbeyik sba te jTate. Teme ya anaꞌbikon jba te joꞌone, jich euk te jTate ya anaꞌbeyik sba —xchi.

San Juan 8:55

Pero te jaꞌexe ma xꞌanaꞌbeyik sba; yan te joꞌone ya jnaꞌbe sba. Teme ya kal te ma jnaꞌbe sba, jich jle-loton euk ya xkꞌoon, jich tutꞌil te jaꞌexe. Pero batsꞌi jich te ya jnaꞌbe sbae, sok jaꞌ ya kaꞌbe ta jkuenta te skꞌope.

Hechos 17:23

yuꞌun la kil te bayuk nax luwaril chꞌuunbil awuꞌunike. La jta ta jun altar te teꞌ tsꞌibabil a: “Jaꞌ yuꞌun te Dios te ma jnaꞌbeytik sbaeꞌ, xchi. Jaꞌ yuꞌun te Dios achꞌuunejik te ma xꞌanaꞌbeyik sbae, jaꞌix te machꞌa ya kalbeyex skꞌoplale.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Romanos 3:11

Maꞌyuk machꞌa ya yaꞌibe sluwar; maꞌyuk machꞌa ya sle te Diose,

Romanos 3:26

jaꞌ nax ta skaj te ya smaliye. Jaꞌ jich mismo te ora to te ya yakꞌ ta ilel te toj stukel te Diose, y sigue toj kꞌalal ya yal te libre ya xkꞌotik yuꞌun smulik te machꞌatik ya xchꞌuun te Jesuse.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

1 Corintios 15:34

Ilme abaik, ma me ale amulik. Yuꞌun ay jtul-cheb te jaꞌexe te ma xꞌanaꞌbeyik sba te Diose. Jich ya kalbeyex to yuꞌun ya xkꞌexawex a.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Tesalonicenses 1:8

Yuꞌun ya xtal yaꞌbe kastigo te machꞌatik maꞌ snaꞌbeyik sba Dios ni maꞌ xyakꞌik ta jkuenta te skꞌoplal kolel yuꞌun te Kajwaltik Jesuse.

Hebreos 8:11

Ma puersaukix te ya spꞌijutes sbaik ta juju-tul te sjoy sbaik ta genteil o te machꞌa jun smeꞌ-statike yuꞌun te ya snaꞌbeyik sba te Kajwaltike, porke spisilik ya snaꞌbikon jba, ta chꞌin ta mukꞌ.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

Apocalipsis 16:5

Te nax a la kaꞌiy te jich la yal te ángel yuꞌun te jaꞌetike: —Te jaꞌate, Kajwal, te Chꞌul Diosat, te atalel ayat ta namey sok ta ora to, tojat te jich la awakꞌbeyix te kastigoe.