San Juan 17:21 - Nuevo Testamento Tzeltal de Amatenango

²¹ JTat, ya jkꞌambeyat te junuk nax ayik ta spisilike, sok te junuk nax ayotik soke, jich tutꞌil te jun nax ayotik te joꞌotike, jich benuk jun yoꞌtanik euk. Para ke jich te machꞌatik ayik ta skuenta te balmilale ya me xchꞌuunik te jaꞌat la atikonon tale.

Bible in Tzeltal Bachajón

²¹ scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

Bible in Tzeltal de Oxchuc y Tenejapa

²¹ Jun nax me ac'a c'otuc ta spisilic, Jtat, jich te bit'il jun ayotique. Soc jun nax me ac'a c'otuc ta jwentatic, swenta yu'un ya me xc'ot ta yo'tanic te mach'atic ayic ta balumilal te ja'at la aticunon tele.

San Juan 17:21 ပူးပေါင်းရင်းမြစ်များ

San Marcos 3:24

Jun pais, teme ya xatꞌ sbaike sok teme ya skontrain sbaike, ma xjalajik.

San Juan 10:16

Ay xan yan karneraetik kuꞌun te ma to jaꞌuk skoral to, y puersa me ya kikꞌ tal euk. Jich me ya yaꞌibikon te jkꞌope, y jun nax me ya xlaj kꞌot, y jtul nax me jkanan ya xkꞌot yuꞌunik.

San Juan 10:30

Te joꞌone sok te Tatile jun nax ayotik —xchi.

San Juan 10:38

Pero teme jaꞌ yipalon ta spasele, aunke ma xꞌachꞌuunbikon te tut ya kale, jaꞌ ya xjuꞌ ya achꞌuunik a te tut aꞌtelil ya jpase. Yuꞌun te me ya anaꞌik a te jun nax ayon sok te Tatile, y te Tatile sjoyinejon —xchi te Jesuse.

San Juan 11:42

Ya jnaꞌ te sil tiempo ya awaꞌibon te jkꞌope, pero la kal yuꞌun slekilik a te genteetik te liꞌ aylane, yuꞌun jich me ya xchꞌuunik a te jaꞌat la atikonon tale —xchi.

San Juan 13:32

Teme jaꞌ te Nichꞌanile ya yakꞌ ta ilel slekilal te Diose, jich te Diose ya yakꞌ ta ilel slekilal. Y jich me ya xkꞌot ta pasel ta ora.

San Juan 13:35

Teme kꞌux ya awaꞌi abaik ta juju-tule, spisil genteetik ya me snaꞌik te jnopojelex kuꞌune —xchi te Jesuse.

San Juan 17:11

“Te joꞌone makꞌ xꞌanonix ta balmilal. Pero te stukelike ya to xjilik ta balmilal. Yan te joꞌone ya xtalonix ta atojol. Chꞌul jTat, kanantaya sok te apoder te machꞌatik awakꞌojbone, yuꞌun jich me jun nax ya xkꞌotik ta spisilik, jich tutꞌil te jun nax ayotike.

San Juan 17:18

Jich te tutꞌil la atikonon tal ta stojol te machꞌatik ayik ta skuenta te balmilale, jich euk te joꞌone ya jtikonlan bael ta stojol te machꞌatik ayik ta skuenta te balmilale.

San Juan 17:20

“Ma jaꞌuk nax ya jkꞌambeyat pawor yuꞌun te machꞌatik xchꞌuunejonixe. Jaꞌ ya jkꞌambeyat pawor yuꞌun euk te machꞌatik patil ya xchꞌuunikon ta skuenta te tut ya yalik te machꞌatik xchꞌuunejonixe.

San Juan 17:25

Jtat, te lek awoꞌtane, te machꞌatik ayik ta skuenta te balmilale ma snaꞌbeyat aba. Pero te joꞌone ya jnaꞌbeyat aba. Te machꞌatik xchꞌuunejonixe snaꞌojikix te jaꞌat la atikonon tale.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 17:8

yuꞌun la kalbeyix te akꞌop te la awalbone y la xchꞌuunikix. Sok kꞌotix ta yoꞌtanik te batsꞌi jich te talemon ta atojole, y la xchꞌuunikix te jaꞌat la atikonon tale.

San Juan 3:17

Porke te Diose ma lauk stikon tal Xnichꞌan ta balmilal yuꞌun ya yakꞌ bael ta chꞌayel te genteetike; jaꞌ a stikon tal yuꞌun te tal skoltay te genteetike.

San Juan 5:23

Yuꞌun me spisilik ya yakꞌik ta jkuenta a te Nichꞌanile, jich tutꞌil te aꞌbil ta jkuenta te Tatile. Te machꞌa ma xyakꞌ ta jkuenta te Nichꞌanile, jich ma xyakꞌ ta jkuenta a te Tatil te la stikon tale.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

Hechos 4:32

Spisil te hermanoetike te lom bayalikixe jun nax te tut ya snopike y jun nax te xchꞌulelike. Maꞌyuk machꞌa yal te stukel yuꞌun te stutik yuꞌune, sinoke jun nax yuꞌunik ta spisilik.

Romanos 12:5

Jich euk te joꞌotike. Aunke ben bayalotik, jun nax ayotik ta skuenta te Cristoe, y jich jun nax ayotik ta jpisiltik ta juju-tul, jich mismo tutꞌil te jtiꞌbalultike.

1 Corintios 1:10

Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

1 Corintios 12:12

Te Cristoe jich ay tutꞌil te jtiꞌbalultike. Aunke ben bayal tut lokꞌem a, pero jun nax ay.

1 Corintios 6:17

Pero te kꞌalal ay machꞌa jun nax ya yakꞌ sba ta skuenta te Kajwaltike, jich jun nax ya xkꞌot ta skuenta te Espiritue.

Gálatas 3:28

Ma kocheluk me juriyo o griego, me mosoil o libre ay, me winik o ants. Porke jun xanix ayex ta skuenta Cristo Jesus ta apisilik te jaꞌexe.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 5:7

Oxeb te testigoetik ta chꞌulchane: jaꞌ te Tatile, sok te machꞌa Skꞌop Diose, y sok te Chꞌul Espiritue. Y te yoxebal to jun nax te tut ya yalike.