San Juan 16:33 - Nuevo Testamento Tzeltal de Amatenango

³³ Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Bible in Tzeltal Bachajón

³³ La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Bible in Tzeltal de Oxchuc y Tenejapa

³³ La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Juan 16:33 ပူးပေါင်းရင်းမြစ်များ

San Mateo 9:2

Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

San Lucas 19:38

y ya yalik: —Ben me tsaꞌam slekil te rey te talemix ta stojol te Kajwaltike. Butsꞌanix kꞌinal ta chꞌulchan, y ben me tsaꞌam slekil te Chꞌul Dios te ay ta chꞌulchane —xchiik ta kꞌop.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

Hechos 27:22

Te ora to, jamal ya kalbeyex, ma me cheban awoꞌtanik. Porke makꞌ xchamex, ni jtuluk te jaꞌexe, aunke ya xlaj stukel te barkoe.

Hechos 27:25

Jaꞌ yuꞌun, moletik, junuk me awoꞌtanik. Porke xchꞌuunej koꞌtan seguro ya xkꞌot ta pasel yuꞌun Dios te tutiꞌ yalbon te chꞌul ángele.

Hechos 9:31

Jich te hermanoetik te aylan ta estadoetik yuꞌun Judeae sok ta Galilea y sok ta Samaria ben jun yoꞌtanik yipalik ta pꞌijubel ta skuenta Espíritu. La xchꞌuunik ta lek te Kajwaltike, y koltalanot yuꞌun te Chꞌul Espiritue jich yipalik ta pꞌolel ta mas.

2 Corintios 1:3

Ben tsaꞌam te Dios te Stat te Kajwaltik Jesucristoe yuꞌun stukel Tatil te kꞌuxotik ta yoꞌtane y stukel Dios te sil tiempo ya yaꞌbotik spuersa koꞌtantike.

2 Corintios 13:11

Ta slajibal, kermanotak, ya jkꞌan te junuk awoꞌtanik ayexe, y te ya aleik te ya xtojob akuxlejalike. Aꞌbeya abaik spuersa awoꞌtanik y junuk awoꞌtan abaik, y bujtsꞌanuk me kꞌinal. Aꞌ me sjoyinex te Dios te ay slekil yoꞌtan y sok te ay bujtsꞌan kꞌinal yuꞌune.

2 Corintios 2:14

Kola yal Dios te sil tiempo xcholetotik ta spat te Cristo Jesus te tsalawanemix stukele, y ta jkuentatik joꞌotik te ya yakꞌ chiknajuk ta bayuk te skꞌope, te pajal sok te ya xchiknaj ta bayuk nax te ben tsꞌaam yikꞌe.

2 Corintios 4:7

Pero te kꞌulejalil to kichꞌojtik ta jtiꞌbalultik, jachꞌik kꞌoemotik tutꞌ jpꞌej pꞌin te pasbil ta lume, yuꞌun jich me ya xchiknaj te ta skuenta te bayal spoder te Diose te ay tut ya xjuꞌ kuꞌuntike.

2 Corintios 6:4

Yuꞌun ta skuenta spisil ya jpastike, ya kaꞌbetik yilik te joꞌotik yaj-aꞌtelotik te Diose. Jich jun koꞌtantik ya me xkujch kuꞌuntik te ilbajinele, sok te tutik ay maꞌyuk kuꞌuntike, sok spisil te jwokoltike,

2 Corintios 7:4

Jamal koꞌtan ya xkꞌopojon ta atojolik, sok ben jun koꞌtan awuꞌunik. Aunke bayal jwokoltik, ben kakꞌoj puersa y ben bujtsꞌan kꞌinal ya kaꞌiy.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Gálatas 6:14

Yan te joꞌone, ni ma xjuꞌ ya jtoy jba yuꞌun. Jaꞌ nax mukꞌ ya kaꞌiy jba yuꞌun te cham ta krus te Kajwaltik Jesucristoe. Yuꞌun ta skuenta nax te cham ta krus te Cristoe, te tutik ay ta balmilale chamenix jilel kuꞌun, y te joꞌone chamenonix yuꞌun te tutik skuenta balmilale.

Filipenses 4:7

Jich me ya yaꞌbeyex butsꞌan kꞌinal te Diose te jaꞌ ben tsaꞌam te ma xjuꞌ yuꞌun snaꞌel te winike. Y te bujtsꞌan kꞌinal to ya me snojesbeyex te awoꞌtanik sok te apensarik, porke te jaꞌexe jun nax ayex ta skuenta te Cristo Jesuse.

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

1 Tesalonicenses 3:4

porke te kꞌalal joyinejtikex to aye, la kalbetikex te puersa ya xkꞌax jwokoltike. Y jich a kꞌot ta pasel, jich tutꞌil ya awilikix.

1 Tesalonicenses 3:7

Jaꞌ yuꞌun, kermanotak, aunke ayotik ta yolil te wokole sok te ilbajinele, la kichꞌtik xan spuersa koꞌtantik yuꞌun te la kaꞌiytik te jun awoꞌtanik achꞌuunejik te Diose.

2 Tesalonicenses 3:16

Y te Kajwaltik te ya yakꞌ bujtsꞌan kꞌinale, aꞌ yaꞌbeyex bujtsꞌan kꞌinal ta sil tiempo y ta spisil te tutꞌil ayexe. Akꞌa sjoyinex ta apisilik te Kajwaltike.

2 Timoteo 3:12

Batsꞌi jich ta spisil te machꞌatik ya skꞌan xlekub xkuxlejal sok te Cristo Jesuse, ya me xkꞌax swokol ta ikꞌtinel.

Hebreos 11:25

Jaꞌ lek a yaꞌiy te pajal ya yichꞌ utel sok te jtejklum yuꞌun Diose, sok maꞌ skꞌan a skꞌupin te cheb oxeb kꞌaal te tutik skuenta mulile.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

1 Pedro 5:9

Ma me wakꞌ abaik ta tsalel yuꞌun. Jaꞌ me a yipin awoꞌtanik te Dios achꞌuunejike. Naꞌaik me te jich mismo ay swokolik te awermanoik ta bayuk nax ta balmilal.

1 Juan 2:13

Meꞌil-tatiletik, la jtsꞌibabeyex ta akuentaik porke la anaꞌbeyikix sba te Machꞌa ayix a desde ta slijkibale. Bikꞌtal kermetik, la jtsꞌibabeyex ta akuentaik porke la atsalikix te pukuje. La jtsꞌibabeyex ta akuentaik, kuntikil, porke la anaꞌbeyikix sba te Tatile.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.