San Juan 16:22 - Nuevo Testamento Tzeltal de Amatenango

²² Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

Bible in Tzeltal Bachajón

²² Ha nix hichex, ayex ta mel-o'tan ta ora ini, pero ya jcha'ilex xan, hich ya xtal stse'elil awo'tanic yu'un, soc mayuc mach'a ya sloq'uesbeyex te stse'elil awo'tanique.

Bible in Tzeltal de Oxchuc y Tenejapa

²² Ja' nanix jich te ja'exe, ayex ta mel-o'tan ta ora to. Ja'uc me to, ya me quilbeyex xan asitic soc ya me xbujts'naj ta lec awo'tanic yu'un. Te sbujts' awo'tanique ma xju' ta pojel.

San Juan 16:22 ပူးပေါင်းရင်းမြစ်များ

San Mateo 28:8

Jich te antstike la sjilesik te ba mukule, bajtik ta ora. Ben jun yoꞌtanik yuꞌun, aunke ya xiꞌik chꞌinuk te tuti altalanbote. Xyalajan kꞌoel ta yalbeyel te jnopojeletike.

San Lucas 10:42

Pero jun nax te tut puersa ya skꞌane. Te xMariae la stꞌujix te tut a te leke. Maꞌyuk machꞌa ya xjuꞌ ya xpojbot yuꞌun —xchi.

San Lucas 16:25

“Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

San Lucas 19:26

“Te reye la sjakꞌ: “Yuꞌun ya kalbeyex: Spisil te machꞌa ay yichꞌojixe, ya me xꞌaꞌbot xan sjoy. Yan te machꞌa maꞌyuk yuꞌune, ya me xpojbot te tut yichꞌoj chꞌinuke.

San Lucas 24:41

Pero te to nax ma xchꞌuunik lek a ta skaj te ben bayal sbujts yoꞌtanik yuꞌune sok te yipal ta aꞌabiyej te yoꞌtanike. Jaꞌ yuꞌun te Jesuse la sjojkꞌolanbe: —¿Me ay tut ya aweꞌik chꞌinuk liye? —xchi.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 14:27

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

San Juan 16:16

Liꞌ xanix ta jtsꞌine makꞌ ya awilbikonix jsit. Pero ta patil ya awilikon xan, porke ya xboon te ba ay te Tatile —xchi te Jesuse.

San Juan 16:20

Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

San Juan 16:6

Jaꞌ nix baem ta awoꞌtanik te ajtal-oꞌtane, skꞌaj te la kalbeyexix awaꞌiyik to.

San Juan 21:7

Jich te jtul jnopojel, te machꞌa ben kꞌux ya yaꞌi sba sok te Jesuse, la yalbe te jPedroe: —Jaꞌ te Kajwaltike —xchi. Y kꞌalal la yaꞌi te Simon Pedroe te jaꞌ te Kajwaltike, ba slap ta ora te skꞌuꞌ-spakꞌe yuꞌun tꞌaxal, y la xchoj sba ochel ta jaꞌ.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

Hechos 13:52

Pero te hermanoetike ben jun yoꞌtanik yuꞌun te xchꞌuunejikixe, y nojel ta yoꞌtanik te Chꞌul Espiritue.

Hechos 16:25

Pero olil ajkꞌubal a te jPablo sok te Silase yipalik ta skꞌoponel Dios a sok yipalik ta kꞌayoj a, y te yan jprexojeletike yipalik ta yaꞌiyel.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

Hebreos 10:34

Te jaꞌexe la xpichꞌin awoꞌtanik te machꞌatik aylan ta prexoe. Y asta jun awoꞌtanik te la awakꞌik bael ta pojel te tut ay awuꞌunike, yuꞌun anaꞌojik te tut ay awuꞌunik ta chꞌulchan te mas ben tsaꞌame sok te sbajtel kꞌinal ay stukele.

Hebreos 6:18

Jich ay xchaꞌkajal te tutik te ma xjuꞌ xyaneje, yuꞌun maꞌ xjuꞌ ya sle lot te Diose. Jich la kichꞌtikix yip koꞌtantik te joꞌotik te la jlejtik koltayel yuꞌun Diose, y smukꞌulinej koꞌtantik te ya jmalitik te tut ya yakꞌbotike.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,