San Juan 16:20 - Nuevo Testamento Tzeltal de Amatenango

²⁰ Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

Bible in Tzeltal Bachajón

²⁰ Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

Bible in Tzeltal de Oxchuc y Tenejapa

²⁰ Jamal ya calbeyex, ya me x'oq'uex cu'un soc bayal me ya amel awo'tanic. Yan te mach'atic te ayic ta swenta te balumilale, ya xbujts'naj yo'tanic yu'un, ja'uc me to, te mel-o'tan ya awaiyique, ya me xc'atp'uj ta sbujts' awo'tanic.

San Juan 16:20 ပူးပေါင်းရင်းမြစ်များ

San Mateo 21:38

“Te kꞌalal la yilik te jaꞌ xnichꞌan te yajwal-lum te talemixe, sok la snaꞌik te stukel ya xjil ta skuenta te lume, jicha lijk yalbe sbaik: “Jaꞌ to jaꞌ ya yichꞌ jilel te lume. Jaꞌ lek ya jmiltik yuꞌun joꞌotik ya kichꞌbetik jilel te slume”, xchiik.

San Mateo 5:4

“Ben me tsaꞌam slekilik te machꞌatik ayik ta ajtal-oꞌtane, jaꞌ me ya xmukꞌutesbot yoꞌtan yuꞌun te Diose.

San Marcos 14:72

Lajel to yoꞌtan ta kꞌop a te okꞌ ta xchaꞌmelal te kꞌoꞌe. La snaꞌ te Pedroe te tut albil yuꞌun te Jesuse: “Ya amukon ta awoꞌtan oxeb buelta te ma to xꞌokꞌ cheb buelta te kꞌoꞌe”, te xchie. Te kꞌalal la snaꞌ ta yoꞌtan, lijk ta okꞌel te Pedroe.

San Marcos 16:10

Jich te xMaria ba yalbe yaꞌiyik te machꞌatik la sjoyinik ta beel te Jesuse, yuꞌun bayal ayik ta ajtal-oꞌtan sok ta okꞌel yuꞌun.

San Lucas 22:45

Te kꞌalal laj yoꞌtan ta skꞌoponel te Diose, sujt bael te ba ay te jnopojeletike. Wayajtik a kꞌo sta yuꞌun te lom tristeike.

San Lucas 22:62

Y lokꞌ bael teꞌa te jPedroe y ba yokꞌetay sba yuꞌun.

San Lucas 23:27

Bayal genteetik stsꞌakliyejik kꞌael. Ay bayal antstik ya xꞌokꞌik y xꞌawlajan yuꞌun ajtal-oꞌtan yuꞌun te Jesuse.

San Lucas 24:17

Te Jesuse la sjojkꞌolambe: —¿Tut a te ya awalik kꞌael ta bee? ¿Tuꞌun te lom tristeexe? —xchi.

San Lucas 24:21

Te joꞌotike la jkuytik te jaꞌ ya yaꞌbotik ta libre te jlumaltik Israele. Pero ayix yoxebal kꞌaal te jicha akꞌot ta milele.

San Lucas 6:21

Ben me tsaꞌam alekilik jaꞌex te ayex ta wiꞌnal te ora to, ben jun awoꞌtanik ya smakꞌlinelex. Ben me tsaꞌam alekilik jaꞌex te yipalex ta okꞌel te ora to, ta patil ya me stseꞌnex.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Juan 16:6

Jaꞌ nix baem ta awoꞌtanik te ajtal-oꞌtane, skꞌaj te la kalbeyexix awaꞌiyik to.

San Juan 20:20

Te kꞌalal jich a yaltalanbeye, la yakꞌtalanbe yil te skꞌabe sok te skostiyae. Te jnopojeletike junub yoꞌtanik yuꞌun te la yilik te Kajwaltike.

Hechos 5:41

Te apostoletike lokꞌik bael te ba stsoboj sbaik te machꞌaik ay yaꞌtele. Ben kontentoik yuꞌun, porke Dios jich a skꞌan te kꞌax swokolik ta ilbajinel ta skaj te Jesuse.

Romanos 5:11

y ma jaꞌuk nax to. Jun koꞌtantik ayotikix ta stojol Dios ta skuenta Cristo te junix koꞌtantik sok te Diose.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

Santiago 1:2

Kermanotak, te jaꞌexe ya skꞌan te ben jun awoꞌtanik te kꞌalal ya xtal te skajal skaj prewaetik ta atojolike.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 11:10

Te machꞌatik kuxajtik ta balmilale lom kontentoik yuꞌun te chamike. Batsꞌi lom kontentoik, talel bael ya yaꞌbe sbaik smajtanik yuꞌun. Porke lom bayal a kꞌax swokolik yuꞌun te chꞌatul jꞌalwanejetike.

Apocalipsis 18:7

Aꞌ yichꞌ tulan wokol y yoꞌolil sba jich tutꞌil te la stoy sbae y te tutiꞌ skꞌupin stiꞌbalule. Yuꞌun la yal ta yoꞌtan: “Liꞌ ayon to, nakalon jich tutꞌil me mukꞌul rey. Ma biuda antsukon, ni makꞌ me kil wokol”, xchi.