San Juan 16:19 - Nuevo Testamento Tzeltal de Amatenango

¹⁹ Te Jesuse la snaꞌ te yoꞌtanikuk ya sjojkꞌoyike y la yaltalanbe: —La kalbeyex te “liꞌ xanix ta jtsꞌin te makꞌ ya awilbikonix jsite, pero ta patil ya awilbikon xan jsit”, te xchone. ¿Me jaꞌ te yipalex ta yalele?

Bible in Tzeltal Bachajón

¹⁹ La sna' te Jesús te yo'tanuc ya sjoc'obeyic, ha yu'un la yalbe: ¿Ha bal talel c'axel yac ajoc'obe abahic yu'un te hich la jcal: Li' ta jts'ihn ma ba yac awilonic, soc jts'ihn xan ta patil ya me awilonic, te xchihone?

Bible in Tzeltal de Oxchuc y Tenejapa

¹⁹ Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 16:19 ပူးပေါင်းရင်းမြစ်များ

San Mateo 6:8

Ma me jichukex te jaꞌexe. Jich te jTatike snaꞌoj te tut ya xtuun awuꞌunik te kꞌalal ma to ya akꞌanik ae.

San Mateo 9:4

Te Jesuse la snaꞌ te tut ya yal ta yoꞌtanike. Jich a yalbe: —¿Tut yuꞌun te ma tsaꞌamuk te tut ay ta awoꞌtanike?

San Marcos 9:32

Pero te jnopojeletike ma yaꞌiybeyik sluwaril te tutꞌi altalanbote, sok la xiꞌik ta sjokꞌobeyel xan tsꞌin.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 16:16

Liꞌ xanix ta jtsꞌine makꞌ ya awilbikonix jsit. Pero ta patil ya awilikon xan, porke ya xboon te ba ay te Tatile —xchi te Jesuse.

San Juan 16:18

¿Tut xyal te liꞌ xanix ta jtsꞌine”, te xchie? Ma xkaꞌibetik sluwar te tut ya yale —xchiik.

San Juan 16:23

“Te tut kꞌaalil ya xkꞌot ta pasele, ma me ayuk tut ya ajojkꞌobikonix a. Jamal ya kalbeyex spisil te tut ya akꞌambey te Tatil ta joꞌon jkuentae ya me yaꞌbeyex.

San Juan 16:26

Te tut kꞌaalil ya kale, te jaꞌexe ya akꞌanik ta joꞌon jkuenta. Y makꞌ ya kal te ya xkꞌopojon awuꞌunik ta stojol te Tatile,

San Juan 16:30

Te ora to la jnaꞌtikix te spisil ay ta awoꞌtane, jich ma puersaukix te ay machꞌa ya sjojkꞌobeyat xane. Jaꞌ yuꞌun ya jchꞌuuntik te talemat ta stojol te Diose —xchiik.

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

San Juan 6:61

Te Jesuse la snaꞌ te tut mukul yipalik ta yalele. Jaꞌ yuꞌun la sjojkꞌolanbe: —¿Meꞌn ma tsaꞌamuk a kꞌot ta awoꞌtanik te tuti kale?

San Juan 7:33

Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.