San Juan 15:27 - Nuevo Testamento Tzeltal de Amatenango

²⁷ Y te jaꞌexe jamal me ya awalbikon jkꞌoplal euk, porke ajoyinejikon kꞌalal ta slijkibal to tal —xchi te Jesuse.

Bible in Tzeltal Bachajón

²⁷ Ha nix hichex yac awalbonic jc'oblal, como ajoquinejonic c'alal ta shahchibal.

Bible in Tzeltal de Oxchuc y Tenejapa

²⁷ Te ja'exe ya me awalbonic ta jamal jc'oplal ta testigo uuc, melel la ajoinonic ta xjajch'ibal to tel —xi' te Jesuse.

San Juan 15:27 ပူးပေါင်းရင်းမြစ်များ

San Marcos 1:1

Jich a lijk tal te lekil achꞌ kꞌop yuꞌun te Jesucristoe, jaꞌ te Xnichꞌan Diose.

San Lucas 24:48

Te jaꞌexe jaꞌ testigoex yuꞌun te tuti kꞌotix ta pasele.

San Juan 19:35

Te machꞌa la yil te jicha kꞌot ta pasele jaꞌ testigo yuꞌun. Ma slotuk te tut ya yale. Sok snaꞌoj te batsꞌi jich te tut ya yale, yuꞌun jich me ya achꞌuunik a te jaꞌexe.

San Juan 21:24

Jaꞌ mismo te jnopojel to te la yalix tal ta spisile y te stsꞌibayojix ta june. Y jnaꞌotik te tut ya yale batsꞌi jich te tuti stsꞌibaye.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 13:31

Te Jesuse bayal kꞌaal a yakꞌulan sba ta ilel ta stojol te machꞌatik a joyinot ta beel yuꞌun ta Galileae sok te kꞌalal bajtik ta Jerusalene. Te ora to jaꞌ testigoetik te ya yalbeyik skꞌoplal te Jesus ta stojol te gentee.

Hechos 18:5

Kꞌalal lijkik tal ta Macedonia te Silas sok te jTimoteoe, te jPabloe jaꞌ nax a yaꞌtelin yalel te skꞌop Diose, y jamal a yaltalanbe te juriyoetik te jaꞌix Cristo te Jesuse.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

Hechos 3:15

Y jich la amilik te machꞌa ya yikꞌotik bael ta kuxlejale. Pero Dios a xchaꞌkuses tal te ba ay te animaetike, y joꞌotik testigootik yuꞌun.

Hechos 4:20

Te joꞌotike ma xjuꞌ ya jkom jbatik ta yalel te tut kilojtike sok te tut kaꞌiyejtike —xchiik.

Hechos 4:33

Te apostoletike sigue ay spuersa yoꞌtanik ta yalel te tutꞌil a chaꞌkux tal te Kajwaltik Jesuse. Y Dios bayal a akꞌtalanbot bendision yuꞌun.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

1 Juan 4:14

Te joꞌotike kilojtik te Jesucristoe, y ya kaltik ta jamal te Tatile la stikon tal te Xnichꞌan yuꞌun tal skoltay te machꞌatik ayik ta balmilale.

Apocalipsis 1:2

Te Juane la yalix ta jamal ta spisil te tut la yile. Jaꞌ stukel testigo yuꞌun te skꞌop Dios y sok te tut ya yal te Jesucristoe.

Apocalipsis 1:9

Joꞌon Juanon, joꞌon awermanoikon te pajal ay ta jkuentatik te wokole sok te pajal ay ta jkuentatik te ya joyintik ta ajwalil te Cristoe, sok te pajal ya yaꞌbotik jpuersatik te ya xkujch kuꞌuntik te wokoletike. Liꞌ aꞌbilon ba chꞌin luwar Patmos sbiil te joybil ta mare, jaꞌ ta skaj te yipalon ta yalel te skꞌop Diose te jamal ya yakꞌ ta naꞌbeyel sluwar te Jesuse.