San Juan 15:24 - Nuevo Testamento Tzeltal de Amatenango

²⁴ Te manchuk la jpasbe yilik te aꞌtel te maꞌyuk machꞌa juꞌem yuꞌun spasel, maꞌyuk smulik te jichuke. Pero la yilikix te tuti jpase, y jaꞌ a spꞌajikon yuꞌun, sok la spꞌajik euk te jTate.

Bible in Tzeltal Bachajón

²⁴ Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

Bible in Tzeltal de Oxchuc y Tenejapa

²⁴ Te manchuc la jpasbey yilic at'eliletic te ma'yuc mach'a ju'em yu'un spasele, ma'yuc smulic te jichuque. Ta ora to la yiliquix te bila la jpase. Ja' ya yilayonic yu'un, soc ya yilayic uuc te Jtate.

San Juan 15:24 ပူးပေါင်းရင်းမြစ်များ

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Mateo 21:32

Jich te Juan Akꞌichꞌjaꞌe tal snojpesex tut a te tsaꞌam ta pasele, pero ma la achꞌuunik te tuti yalbeyexe. Yan te jkꞌan-tojemaletike sok te jmulawil-antstike la xchꞌuunik stukelik. Yan te jaꞌexe manchuk me la awilik te jich yipal kꞌoel ta pasele ma la asujtes awoꞌtanik te yauk achꞌuunike.

San Mateo 9:33

Te kꞌalal lokꞌix bael te pukuj yuꞌun te Jesuse, lijk kꞌopojuk ta ora te winike. Te genteetike lijk aꞌabiyanuk yoꞌtanik yuꞌun. Jich a yalik: —Ni maꞌyuk ba kilojtik ta Israel jich tutꞌil to —xchiik yuꞌun.

San Marcos 2:12

Jich a jajch te machꞌa ay ta chamele. La xach bael te swayibe. Lokꞌ bael te ba tsobolike. Kꞌelajtik jilel sitik ta spisilik. Bayal aꞌabiyan yoꞌtanik yuꞌun, sok la yalbeyik kola yal Dios yuꞌun. La yalike: —Maꞌyuk ba kilojtik tutꞌil to —xchiik.

San Lucas 24:19

Te Jesuse la sjojkꞌolambe: —¿Tut a te kꞌoem ta pasele? —xchi. La yalik: —Jaꞌ te tuti kꞌot ta pasel ta stojol te Jesus Nazarete. Jaꞌ jtul jꞌalwanej yuꞌun Dios te spisil tut ya xjuꞌ yuꞌun spasel, sok ay spoder te skꞌop ta stojol Dios sok ta stojol spisil te jtejklume.

San Juan 10:32

Pero te Jesuse la yaltalanbe: —Ta spoder te jTate bayal a jpas te tutik lek ta asitike. ¿Tut a te ya awaꞌbikon ton yuꞌune? —xchi.

San Juan 10:37

Teme ma pajaluk sok yaꞌtel jTat te tut ya jpase, ma xꞌachꞌuunbikon.

San Juan 12:10

Jich te stataletik yuꞌun te saserdoteetike la xchapbeyik skꞌoplal ta milel euk te jLazaroe,

San Juan 12:45

Te machꞌa ya yilonixe, jaꞌa yilix euk te Machꞌa la stikonon tale.

San Juan 14:9

Te Jesuse la sjakꞌbe: —Felipe, bayalix kꞌaal te joyinejexe. ¿Ma to ya anaꞌbikon jba? Te machꞌa la yilonixe, yilojix euk te jTate. ¿Tuꞌun te ya akꞌan ya kakꞌ awil te jTate?

San Juan 15:21

Spisil to ya me spasbeyex ta joꞌon ta jkaj, porke ma snaꞌbeyik sba te machꞌa la stikonon tale.

San Juan 15:22

Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

San Juan 15:23

Te machꞌa ya spꞌajone, jaꞌ a spꞌajix euk te jTate.

San Juan 16:9

Ya me yaꞌbe snaꞌ te smulike yuꞌun te ma skꞌan xchꞌuunikone.

San Juan 3:2

tal skꞌopon ta ajkꞌubal te Jesuse. La yalbe: —Maestro, jnaꞌojtik te jaꞌ stikonejat tal ta pꞌijuteswanej te Diose, porke maꞌyuk machꞌa ya xjuꞌ yuꞌun spasel te milagroetik te yipalat ta spasele te jichuk ma soyinejuk te Diose —xchi.

San Juan 5:36

Pero ay testigo kuꞌun te mas tulan skꞌoplal ke te tutiꞌ yal te Juane. Jaꞌ testigo kuꞌun te tut ya jpase; jaꞌ mismo yakꞌojbon jpas te Tatile. Jaꞌ ya yakꞌ ta naꞌel a te batsꞌi jich te la stikonon tal te Tatile.

San Juan 6:36

Pero komo la kalbeyexix, te jaꞌexe ma xꞌachꞌuunik aunke me ya awilikon.

San Juan 7:31

Bayal machꞌa chꞌuunot yuꞌun y la yalik: —Kꞌalal ya xtal te Cristoe, ¿me kꞌo jich wan ya yakꞌ ta ilel seña smilagro jich tutꞌil te winik to? —xchiik.

San Juan 9:32

Maꞌyuk ba ya kaꞌitik xꞌalot ni jtuluk te ya sjambe sit te machꞌa chok ya xꞌayine.

San Juan 9:41

Te Jesuse la sjakꞌtalanbe: —Te chokukex te jaꞌexe, maꞌyuk amulik te jichuke. Pero ya awalik te ma chokukexe. Jaꞌ ma xchꞌay amulik yuꞌun —xchi te Jesuse.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

Romanos 1:30

Sok ma tsaꞌamuk skꞌoplal ya yalbe te yane, sok skontrainejik te Diose. Bolkꞌoptawanejetik sok toyba-oꞌtanetik, sok toyba-kꞌopetik. Ma xlaj yoꞌtanik ta sleel te tut ma lekuke; ma xchꞌuunbe smantal te smeꞌ-statike.

2 Timoteo 3:4

Ya xꞌakꞌawanik entregal, y ma kuidadouk ay, sok nojel ta yoꞌtanik te toybaile. Jaꞌ ya sleik te tut ya skꞌan stukelik en luwar te ya sleik te Diose.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.