San Juan 15:20 - Nuevo Testamento Tzeltal de Amatenango

²⁰ Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

Bible in Tzeltal Bachajón

²⁰ Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

Bible in Tzeltal de Oxchuc y Tenejapa

²⁰ Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 15:20 ပူးပေါင်းရင်းမြစ်များ

San Mateo 10:24

“Ni jtuluk eskuelero te mukꞌ xan ay yuꞌun te yaj-maestroe. Sok ni jtuluk aj-aꞌtelil te mukꞌ xan yuꞌun te yajwale.

San Marcos 10:39

La yalik: —Yak. Ya xjuꞌ kuꞌuntik —xchiik. Jesus la yalbe: —Jich a nix a te ya yaꞌbeyex te wokole, sok te ya awichꞌik ikꞌtinel jachik te tutꞌil ya kichꞌ te joꞌone.

San Lucas 2:34

Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

San Lucas 6:40

Sok ni jtuluk eskuelero te ya xkꞌaxintay te yaj-nopeswaneje. Jaꞌ to pajal ya xkꞌot sok teme juꞌ yuꞌun te lek pꞌijutesele.

San Juan 10:31

Te juriyoetike la xchaꞌtamtalanik ton yuꞌun ya swolik ta ton te Jesuse.

San Juan 11:57

Te fariseoetike sok te stataletik yuꞌun te saserdoteetike yalojik mantal teme ay machꞌa ya yil ba ay te Jesuse, a me ba yal, yuꞌun jich me ya stsakik a.

San Juan 13:16

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

San Juan 5:16

Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

San Juan 7:32

Te fariseoetike la yaꞌiyik te tut ya yal te gente ta stojol te Jesuse, y jaꞌik sok te statal saserdoteetike la stikonik bael polisiaetik yuꞌun templo ta stsakel tal te Jesuse.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

San Juan 8:59

Jich te juriyoetike la stamik ton yuꞌun kꞌan yaꞌbeyik te Jesuse, pero te Jesuse la snakꞌ sba y lokꞌ bael te ba temploe, y bajt.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

1 Corintios 4:12

Y sok lubenotik ta aꞌtel sok jkꞌabtik. Te tut ma lek ya yalbelotike, lek ya jakꞌbetik te joꞌotike. Bayal jwokoltik ta ilbajinel, pero juꞌem kuꞌuntik.

2 Corintios 4:9

Ya stenelotik, pero ma jilesbilukotik. Ya skꞌan xtꞌuxanotik, pero ma jkꞌaxeluk ya xlajotik.

1 Tesalonicenses 2:15

Te juriyoetik to jaꞌ a smilik te Kajwaltik Jesuse, jich tutꞌil te nail to te la smilik te jꞌalwanejetike, y la stenotik lokꞌel ekꞌa te joꞌotike. Ma lekuk ya xꞌilot yuꞌun te Diose, y skontrainejik spisil te gentee.

2 Timoteo 3:12

Batsꞌi jich ta spisil te machꞌatik ya skꞌan xlekub xkuxlejal sok te Cristo Jesuse, ya me xkꞌax swokol ta ikꞌtinel.