San Juan 15:19 - Nuevo Testamento Tzeltal de Amatenango

¹⁹ Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.

Bible in Tzeltal Bachajón

¹⁹ Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

Bible in Tzeltal de Oxchuc y Tenejapa

¹⁹ Te junuc awo'tanic soc te mach'atic ayic ta swenta te balumilale, c'ux ya yaiyex te jichuque te bit'il jun ayex soque. Ja'uc me to, la jtsaex loq'uel tel ta yolilic. Ja' swentail te ya sp'ajex te mach'atic ayic ta swenta te balumilale.

San Juan 15:19 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Lucas 6:32

Teme jaꞌ nax kꞌux ya awaꞌiyik te machꞌatik kꞌux ya yaꞌiyexe, ¿machꞌa ya yalbeyex lek akꞌoplalik yuꞌun? Asta te machꞌatik ma snaꞌbeyik sba te Diose jich ya spasbe sbaik euk.

San Juan 13:18

Ma apisilikuk te jich ya kalbeyexe, yuꞌun jnaꞌoj te machꞌatik jtsaoje. Pero puersa me ya xkꞌot ta pasel te tut tsꞌibabil ta Sjun te Diose: “Te machꞌa jun nax ya xweꞌon soke, sujtix ta jkontra”, xchi me.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 6:70

Te Jesuse la sjakꞌtalanbe: —Me ma joꞌukon a tsaex te lajchaytulexe, pero ay jtul te jaꞌexe te ya xꞌuꞌuninot yuꞌun pukuje —xchi.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Pedro 4:3

Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

1 Juan 3:12

Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

Apocalipsis 12:17

Jich mas a ilin te mukꞌul chan ta skontrainel te antse, y ba yaꞌbe sba sok ta skontrainel te jayeb xan stsꞌumbal jilem te antse. Jaꞌ te machꞌatik ya xchꞌuunbeyik te mantaliletik yuꞌun te Diose, y sigue ben jun yoꞌtanik sok te tut batsꞌi jich yaloj te Jesucristoe.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.