San Juan 15:18 - Nuevo Testamento Tzeltal de Amatenango

¹⁸ “Teme ya spꞌajex te genteetike, naꞌaik me te joꞌon nail a spꞌajone.

Bible in Tzeltal Bachajón

¹⁸ Teme ya sp'ajex te mach'atic yu'un te bahlumilal, na'ahic me te ho'on nahil la sp'ajonic.

Bible in Tzeltal de Oxchuc y Tenejapa

¹⁸ “Teme ya yilayex te mach'atic ayic ta swenta te balumilale, na'aic me stojol te jo'on neel la yilayonique.

San Juan 15:18 ပူးပေါင်းရင်းမြစ်များ

San Mateo 10:22

Ya me spꞌajex spꞌejel te genteetike yuꞌun te achꞌuunejikone. Te machꞌa ya xkujch yuꞌun kꞌalal ta slajibal kꞌaale, ya me xkol.

San Mateo 24:9

“Ya me yakꞌelex ta utel sok ya me yakꞌelex ta milel. Ya me awichꞌik pꞌajel yuꞌun spisil genteetik joꞌon ta jkaj.

San Mateo 5:11

“Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

San Marcos 13:13

Ya me spꞌajelex spꞌejel te genteetik yuꞌun te achꞌuunejikone. Te machꞌa ya xkujchꞌ yuꞌun kꞌal ta slajibal kꞌaale, ya me xkol.

San Lucas 6:22

Ben me tsaꞌam alekilik jaꞌex teme ayex ta ilintayel yuꞌun te genteetike, sok teme ya stenex lokꞌele, sok teme ya sbol-kꞌoptayexe, sok teme ya spꞌajex te tutꞌil ma tsaꞌamukex ta skꞌopike teme jaꞌ ta skaj te Nichꞌanile.

San Juan 16:1

La yal xan te Jesuse: —Spisil te tuti kalbeyexe yuꞌun jich makꞌ xchebaj awoꞌtanik ta jtojol a.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Juan 3:20

Spisil te machꞌatik ma tsaꞌamuk te tut ya spasike, ya spꞌajik te machꞌa ya sakub kꞌinal yuꞌune. Y ma xtijilajik te ba sakil kꞌinale, yuꞌun ma xyakꞌ chiknajuk te tut ma tsaꞌamuk yipalik ta spasele.

San Juan 7:7

Te genteetik yuꞌun te balmilale makꞌ spꞌajex. Pero te joꞌone ya spꞌajikon, porke ya kalbe ta jamal te tut ma tsaꞌamuk ya spasike.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

1 Juan 3:13

Kermanotak, ma me tut xyal awoꞌtanik teme ya spꞌajex te machꞌatik ayik ta skuenta te balmilale.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.