San Juan 14:6 - Nuevo Testamento Tzeltal de Amatenango

⁶ Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

Bible in Tzeltal Bachajón

⁶ La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

Bible in Tzeltal de Oxchuc y Tenejapa

⁶ Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 14:6 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Juan 1:14

Te machꞌa Skꞌop Diose jicha kꞌot tutꞌ winik y kuxuyin ta koliltik, nojel tal ta yoꞌtan te slekile y te tut batsꞌi jiche. Te joꞌotike la kilbetik te slekile, jaꞌ slekil te úniko Xnichꞌan Dios te aꞌbot yuꞌun te jTatik Diose.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

San Juan 1:4

Stukel ay ta skuenta te kuxlejale, y te kuxlejale jaꞌ ya sakub kꞌinal yuꞌun te genteetike.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 10:7

Te Jesuse la yaltalanbe xan: —Jaꞌ to jamal ya kalbeyex: Joꞌon te trankaon te ba ya xꞌoch te karneraetike.

San Juan 10:9

Joꞌon te tiꞌ korale. Te machꞌa ya xꞌoch ta jtojole ya me xkol. Jich me ya xkꞌot te tutꞌil jkojt karnera te ya xlokꞌ y ya xꞌoch te ya sta sweꞌele.

San Juan 14:19

Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

San Juan 15:1

Te Jesuse lijk yal xan: —Joꞌon te smukꞌul yakꞌilon te ubae; y te jTate jaꞌ ya xchap y ya skanantay.

San Juan 18:37

Jich a sjojkꞌo xan te jPilatoe: —¿Me jich tsꞌiin te jaꞌat reyate? —xchi. Te Jesuse la sjakꞌbe: —Jaꞌat ya awal te Reyone. Jaꞌ sluwar te ayinone y talon ta balmilal yuꞌun tal kal te tut batsꞌi jiche. Ya me yaꞌibikon te jkꞌope spisil te machꞌatik ayix ta skuenta te tut batsꞌi jiche.

San Juan 5:21

Porke jich tutꞌil te Tatile ya xchaꞌkuses te animaetike y ya yaꞌbe xkuxlejal; jich euk te Nichꞌanile, ya yaꞌbe xkuxlejal te machꞌa ya skꞌan ya yaꞌbeye.

San Juan 6:33

Porke te waj yuꞌun Diose jaꞌ te machꞌa koem tal ta chꞌulchane te ya yaꞌbey xkuxlejal te genteetike —xchi te Jesuse.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

San Juan 6:57

Te Tatil, te la stikonon tale, ay kuxlejal yuꞌun, y jaꞌ kuxulon ta stojol. Jich mismo ekꞌa te machꞌa ya sweꞌbon jtiꞌbalul ya xkuxuyin ta jtojol.

San Juan 6:68

Te Simon Pedroe la sjakꞌ: —Kajwal, machꞌa yan ya xbootik sok, porke yuꞌun kuxlejal sbajtel kꞌinal te akꞌope.

San Juan 8:32

Jich me ya anaꞌik te tut batsꞌi jiche, y te tut batsꞌi jiche ya me yakꞌex ta libre —xchi.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

Hechos 3:15

Y jich la amilik te machꞌa ya yikꞌotik bael ta kuxlejale. Pero Dios a xchaꞌkuses tal te ba ay te animaetike, y joꞌotik testigootik yuꞌun.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

Hechos 9:2

y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

Romanos 15:16

Jaꞌ kaꞌtel te ya xtuunon yuꞌun te Jesucristoe yuꞌun slekil a te machꞌatik ma juriyouke. Jich yabatinejon ta yalel skꞌoplal te kolel ya sjapbotik te Diose, yuꞌun jich me ya kikꞌ tal ochel ta stojol Dios te machꞌatik ma juriyouke. Jaꞌ smajtan Dios te ben tsaꞌam ya yil te lekutesbilix yuꞌun te Chꞌul Espiritue.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

1 Corintios 15:45

Jich ya yal te Sjun Diose: “Te primero winik jꞌAdan, aꞌbot stiꞌbalul sok xkuxlejal”, xchi me. Pero te slajibal jꞌAdane, jꞌakꞌ-kuxlejal stukel ta skuenta Espíritu.

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

Colosenses 2:17

Spisil to jaꞌ seña to nax te tut ya xtale. Pero te tut batsꞌi jiche, jaꞌix te Cristoe.

Colosenses 2:9

Porke spisil te tut jaꞌ yuꞌun te Diose, tsꞌakal yichꞌojbe ta steklejal te Cristoe.

Colosenses 3:4

Jaꞌ akuxlejalik te Cristoe. Te kꞌalal stukel ya xchiknaj tale, te jaꞌexe jich me ya xchiknajex tal ta skuenta, sok ya me xkꞌot ta akuentaik te slekilale.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Hebreos 9:8

Jaꞌ to jaꞌ ya yaꞌbotik jnaꞌtik te Chꞌul Espiritue te tutꞌil ma to jamaluk sbeelel te Batsꞌi Chꞌul Luwar te jayeb kꞌaal te yipal to ta stuuntesel ta spasel te tut skuenta Dios te ba primero jkꞌaele.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.

1 Juan 1:8

Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

1 Juan 2:23

Machꞌauk a te ma xyakꞌ ta jkuenta te Nichꞌanile jich ma xyakꞌ ta jkuenta ekꞌa te Tatile. Pero te machꞌa ya yal ta jamal te Nichꞌanile, jich ya yal ta jamal euk te Tatile.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 20:15

Y teꞌ chꞌojtalanot ochel a te machꞌatik ma tsꞌibalanbiluk sbiilik te ba libro yuꞌun kuxlejale.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:17

Te Chꞌul Espiritue y sok te machꞌa nujpunemix sok te Chꞌin Karnerae ya yalik: “La.” Te machꞌa ya yaꞌiye, a me yal: “La.” Y te machꞌa takin yoꞌtane, y te ya skꞌane, a me taluk y a yuchꞌ te jaꞌ yuꞌun kuxlejale ta majtanil nax.

Apocalipsis 3:14

Sok la yalbon: —Tsꞌibabeya xan ta sjun te ángel ta stojol te jtijkꞌ hermanoetik te aylan ta Laodiceae: “Jich ya yal te Machꞌa batsꞌi jiche, te stukel jun yoꞌtan ay ta testigo yuꞌun ta yalel te tut batsꞌi jiche. Jaꞌ ta skuenta te Dios la xchiknates spisil te tutik ay.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.