San Juan 14:27 - Nuevo Testamento Tzeltal de Amatenango

²⁷ “Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

Bible in Tzeltal Bachajón

²⁷ Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

Bible in Tzeltal de Oxchuc y Tenejapa

²⁷ “Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

San Juan 14:27 ပူးပေါင်းရင်းမြစ်များ

San Mateo 10:26

“Jaꞌ yuꞌun maꞌ me xiꞌanik yuꞌun te genteetike. Jich maꞌyuk tut nakꞌal te ma xchiknaje, sok maꞌyuk tut mukul te ma xꞌakꞌot ta naꞌel sluwarile.

San Lucas 1:79

Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

San Lucas 10:5

Te kꞌalal ya xꞌochex ta nae, nail xꞌapatbe yoꞌtan te yajwale. Jich me xꞌawalik: “Bujtsꞌanuk me kꞌinal ya awaꞌiyik liꞌ ba na to”, xchaex me.

San Lucas 12:4

Te jaꞌex, te kamigo jbatike, ya kalbeyex ma me xiꞌanik yuꞌun te machꞌa ya smilbeyex te atibalulike, pero ta patil maꞌyuk tut ya xjuꞌ ya spasbeyex xan.

San Lucas 2:14

“¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Juan 20:19

Xꞌijkꞌubix kꞌinal a, mismo primero kꞌaal yuꞌun a te semanae, te jnopojeletike stsꞌusoj sbaik ta na yuꞌun ya xiꞌik te statal juriyoetike. Te Jesuse och kꞌoel y xtekꞌlo kꞌoel ta yolil te jnopojeletike. La spatalanbe yoꞌtanik y jich a yal: —Junuk me awoꞌtanik —xchi.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

San Juan 20:26

Waxkeꞌ kꞌaal ta patil te jnopojeletike la stsob sbaik xan ta jpꞌej na, y teꞌeyix ekꞌa te jTomase. Lek tsꞌusajtik yuꞌunik te tiꞌ puertaetike, pero te Jesuse och bael xtekꞌlo kꞌoel ta yolilik. La spatalanbe yoꞌtan y la yaltalanbe: —Junuk me awoꞌtanik —xchi.

Hechos 10:36

Dios a stikon ta alel ta stojol te stsꞌumbal israeletik te jaꞌ ay bujtsꞌan kꞌinal ta skuenta te Jesucristoe te jaꞌ Ajwalil yuꞌun spisil te genteetike.

Hechos 18:9

Ay jun ajkꞌubal a wayuchej te jPabloe, albot yuꞌun te Kajwaltike: —Ma me xiꞌan. Akꞌa me puersa yalel te jkꞌope. Ma me akom aba.

Romanos 1:7

Ya kalbeyex ta apisilik te ayex ta jtejklum Romae te kꞌux ya yaꞌiyex ta yoꞌtan te Diose, ichꞌbeyaik slekil yoꞌtan te jTatik Dios y sok te Kajwaltik Jesucristoe, y sok te bujtsꞌan kꞌinal ya yaꞌbeyexe.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Romanos 5:1

Jich yuꞌun, libreix ayotik yuꞌun te jmultike ta skuenta nax te xchꞌuunel koꞌtantike. Jich bujtsꞌan kꞌinal ya kaꞌitik ta stojol Dios ta skuenta te Kajwaltik Jesucristoe.

Romanos 5:10

Porke te Diose, te kꞌalal jkontrainejtik to aye, la yaꞌbotik bujtsꞌan kꞌinal ta skuenta te tutꞌil a cham te Xnichꞌane. Mas to xan a kolotik a te la yakꞌ xkuxlejale. Te ora to junix koꞌtantik sok

Romanos 8:6

Teme jaꞌ yajtal yoꞌtanik te tut ya skꞌan te stiꞌbalule, ya akꞌot bael ta lajel yuꞌun. Pero teme jaꞌ yajtal koꞌtantik te tutik ya skꞌan te Espiritue, jaꞌ ya yaꞌbotik jkuxlejaltik sok bujtsꞌan kꞌinal.

1 Corintios 1:3

Te jTatik Diose y sok te Kajwaltik Jesucristoe a me yaꞌbeyex slekil yoꞌtan y sok te bujtsꞌan kꞌinal yuꞌune.

Gálatas 1:3

Te Dios Tatile sok te Kajwaltik Jesucristoe aꞌ yaꞌbeyex te slekil yoꞌtan y sok te bujtsꞌan kꞌinal ta atojolike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Gálatas 6:16

Spisilik te machꞌa jich xchꞌuunejik ekꞌae, ya yichꞌik te bujtsꞌan kꞌinale y te slekil yoꞌtan Diose, sok spisil te machꞌatik batsꞌi jtejklum yuꞌun te Diose.

Filipenses 4:7

Jich me ya yaꞌbeyex butsꞌan kꞌinal te Diose te jaꞌ ben tsaꞌam te ma xjuꞌ yuꞌun snaꞌel te winike. Y te bujtsꞌan kꞌinal to ya me snojesbeyex te awoꞌtanik sok te apensarik, porke te jaꞌexe jun nax ayex ta skuenta te Cristo Jesuse.

Colosenses 1:2

la jtsꞌibayex te karta to, jaꞌex te yuꞌunex Dios te jun awoꞌtanik achꞌuunejik te Cristo te ayex ta jtejklum Colosae. Te Jtatik Diose aꞌ yaꞌbeyex te slekil yoꞌtane y sok te bujtsꞌan kꞌinal ta atojolike.

Colosenses 1:20

Y ta skuenta Cristo jich la skꞌan ya yakꞌ bujtsꞌan kꞌinal ta spisil te tutik aye, spisil te tutik ay ta balmilal sok te tutik ay ta chꞌulchane. La yakꞌ bujtsꞌan kꞌinal ta skuenta te xchꞌichꞌel Cristo te la smal ta kruse.

Colosenses 3:15

Y te bujtsꞌan kꞌinal yuꞌun te Cristoe jaꞌ me ya stojobtesbeyex te awoꞌtanike. Porke la yikꞌex Dios skuenta yuꞌun jun nax ya xkꞌoexe. Y albeyaik kola yal Dios yuꞌun spisil.

2 Tesalonicenses 1:2

Te Jtatik Dios sok te Kajwaltik Jesucristoe aꞌ yaꞌbeyex te slekil yoꞌtanike y sok te bujtsꞌan kꞌinal yuꞌunik ta atojolike.

2 Tesalonicenses 3:16

Y te Kajwaltik te ya yakꞌ bujtsꞌan kꞌinale, aꞌ yaꞌbeyex bujtsꞌan kꞌinal ta sil tiempo y ta spisil te tutꞌil ayexe. Akꞌa sjoyinex ta apisilik te Kajwaltike.

2 Timoteo 1:7

Yuꞌun te Diose ma jaꞌuk a yaꞌbotik te ya xiꞌotike. Sino ke ya yakꞌbotik yip koꞌtantik sok skꞌuxul koꞌtantik, sok te ya jnaꞌtik tutꞌil ya skꞌan ya xꞌaꞌtejotik.

Hebreos 13:20

Te Dios yuꞌun butsꞌan kꞌinal la chaꞌkuxes tal te ba animaetik te Kajwaltik Jesuse, te stukel mukꞌul jkanan yuꞌun te karneraetike, ta skuenta xchꞌichꞌel te la xchap a te trate sbajtel kꞌinal aye.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

Apocalipsis 1:4

Joꞌon Juanon, ya jtsꞌibabey te juktijkꞌ hermanoetik te aylan ta estado Asia. Ichꞌbeyaik te slekil yoꞌtan y te butsꞌan kꞌinal yuꞌun te Machꞌa stalel aye, sok te stalel ay ta namey, sok te stalel ay sbajtel kꞌinal. Y sok euk te jukeb espirituetik te aylan ta sit te ba ay te smukꞌul naktajibe,

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.