San Juan 14:24 - Nuevo Testamento Tzeltal de Amatenango

²⁴ Te machꞌa ma kꞌuxukon ta yoꞌtane, ma xyak ta jkuenta te jkꞌope. Te kꞌop te yipalex ta yaꞌiyel te jaꞌexe, ma joꞌukon kuꞌun; jaꞌ yuꞌun te jTat te Machꞌa la sikonon tale.

Bible in Tzeltal Bachajón

²⁴ Te mach'a ma ba c'uxon ta yo'tan ma ba ya sch'uhumbon jc'op. Te c'op yac awa'iyic ma ho'ucon, ha sc'op te Tatil te sticonejon tale.

Bible in Tzeltal de Oxchuc y Tenejapa

²⁴ Te mach'a ma c'uxucon ta yo'tane, ma xch'uunbon te jc'ope. Te c'op yacalex ta yaiyel stojole ma cu'unuc, ja' yu'un te Jtat te la sticunon tele.

San Juan 14:24 ပူးပေါင်းရင်းမြစ်များ

San Mateo 19:21

La sjakꞌ te Jesuse: —Teme ya akꞌan te lek ya xkꞌoate, baan, chona spisil te tutik ay awuꞌune. Kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Y laꞌ me, tsꞌakliyaon tsꞌiin —xchi te Jesuse.

San Juan 14:10

¿Meꞌn ma xꞌachꞌuun te jun nax ayon sok te jTate? Te tutꞌil ya kalbeyexe, ma joꞌukon jkꞌop te tut ya kale. Te jTat, te jun nax ayon soke, stukel yaꞌtel te ya spase.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 14:25

“Jich me ya kalbeyex awaꞌiyik spisil to mientras joyinejex toe.

San Juan 3:11

Jamal ya kalbeyat, te joꞌotike jaꞌ ya kaltik te tut jnaꞌojtike, y joꞌotik testigootik yuꞌun te tut kilojtike. Pero te jaꞌexe ma xꞌachꞌuunik te tut ya kaltike.

San Juan 3:34

Yuꞌun te machꞌa tikonbil tal yuꞌun te Diose jaꞌ ya yal te skꞌop Diose, porke te Diose ma pꞌisbiluk nax ya yakꞌ te Espiritue.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 5:38

ni jaꞌuk te skꞌop te ay ta awoꞌtanik te jaꞌexe, porke ma xꞌachꞌuunik te jaꞌ tikonbilon tal yuꞌun te Tatile.

San Juan 7:16

Te Jesuse la sjakꞌtalanbe: —Te tut ya kakꞌ ta nopele ma joukon kuꞌun; jaꞌ yuꞌun te Machꞌa la stikonon tale.

San Juan 7:28

Te Jesuse la yaꞌi te tut yipalik ta yalele. Yipal ta nojpeswanej ta templo ae, sok tulan a kꞌopoj: —¿Me jich awalik te ya anaꞌbikon jbae y te ya anaꞌik te ba talemone? Pero te joꞌone ma skꞌanojeluk nax koꞌtan te talemone. Jaꞌ tikonbilon tal yuꞌun te Machꞌa stalel jun yoꞌtan te ma xꞌanaꞌbeyik sbae.

San Juan 8:26

Ay to bayal te tut ya kalbeyexe sok skꞌoplal te awaꞌtelike. Te Machꞌa la stikonon tale batsꞌi jich te tut ya yale, y te tut ya kalbe te genteetik ta balmilale, jaꞌ mismo te kaꞌiyej tal te tut ya yale —xchi.

San Juan 8:28

Jaꞌ yuꞌun te la yaltalanbeye: —Te kꞌalal toyol ya ajojkꞌanik te Nichꞌanile, te me ya anaꞌbonik jba a te joꞌon nanix ae. Sok ya me anaꞌik te ma joꞌukon ya kichꞌ ta koꞌtan te tut ya jpase; jaꞌ nax ya kal te tut yakꞌojbon jnop te Tatile.

San Juan 8:38

Te joꞌone jaꞌ ya kal te tut yakꞌojbon kil te jTate; y te jaꞌexe jaꞌ ya apasik te tut yalojbeyex te atatike —xchi.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.