San Juan 14:22 - Nuevo Testamento Tzeltal de Amatenango

²² Te Judas, (te ma jaꞌuk te Iscariotee) la sjojkꞌobe: —Kajwal, ¿Tuꞌun te ya awakꞌ aba ta ilel ta jtojoltike? ¿Tuꞌun ma jaꞌuk ya awakꞌ aba ta ilel yuꞌun te genteetik ta balmilale? —xchi.

Bible in Tzeltal Bachajón

²² La yal te Judas, (ma ha'uc te Iscariote): Cajwal, ¿bin yu'un te ho'otcotic nax yac awac' jna'batcotic aba, te ma ha'uc yac awac' aba ta na'el yu'un te mach'atic ayic ta bahlumilal? xchi.

Bible in Tzeltal de Oxchuc y Tenejapa

²² Te Judas (ma ja'uc te Iscariotee) la sjojc'obey: —Cajwal, ¿bit'il ay a te ya awac' aba ta ilel ta jtojoltic te ma ja'uc ya awac' aba ta ilel ta stojol te mach'atic ayic ta balumilale? —xi'.

San Juan 14:22 ပူးပေါင်းရင်းမြစ်များ

San Mateo 10:3

sok Felipe, sok jBartolome, sok jTomas, sok jMateo te jkꞌan-tojemale, sok Jacobo te xnichꞌan Alfeoe, sok jLebeo te jTadeo a kꞌot sbiile,

San Marcos 3:18

Sok la stꞌuj te Andres, sok te Felipe, sok Bartolome, sok Mateo, sok Tomas, sok Jacobo te xnichꞌan Alfeoe, sok Tadeo, sok Simon te ay ta skuenta te jkananistaetike,

San Lucas 6:16

sok Judas te yijtsꞌin Jacoboe, sok te Judas Iscariote te la yakꞌ entregal ta patil te Jesuse.

San Juan 3:4

Te jNicodemoe la sjojkꞌobe: —Pero, ¿tutꞌil kꞌan chaꞌayinuk ta achꞌ te jtul winik te mamalixe? ¿Me ya wan spas te ya xchaꞌoch xan ta smeꞌ te ya xchaꞌayin xan ta achꞌe? —xchi.

San Juan 3:9

Te jNicodemoe la xchaꞌjojkꞌobe xan: —¿Tutꞌil ya xkꞌot ta pasel tsꞌin to? —xchi.

San Juan 4:11

Te antse la yalbe: —Xiꞌlel, maꞌyuk tut ay awuꞌun yuꞌun ya alokꞌes tal a te jaꞌe, yuꞌun ben toyol te posoe. ¿Ba xba ata te kuxul jaꞌ te ya awaꞌbone?

San Juan 6:52

Te juriyoetike talel bael a lijk sjojkꞌobe sbaik. La yalik: —¿Tutꞌil ay a te ya yaꞌbotik jweꞌtik te stiꞌbalule? —xchiik.

San Juan 6:60

Te tutꞌil jich a yal ta pꞌijuteswanej te Jesuse, jich a yalik bayal te machꞌatik stsꞌaklijyeike: —Te tut ya yale ben wokol ta naꞌbeyel sluwar. ¿Machꞌa kꞌan snaꞌbe sluwar? —xchiik.

Hechos 1:13

Te kꞌalal laj kꞌot te ba jtejklume, moik bael ta xchaꞌkajal na te baꞌ olanemike. Jaꞌ te jPedro, sok te Juane, te Jacoboe, te jꞌAndrese, sok te Filipee, te jTomase, te jBartolomee, te jMateoe, sok te Jacobo te jaꞌ xnichꞌan Alfeoe, sok te Simon te ay ta skuenta te jkananistae, sok te Judas te yijtsꞌin Jacoboe.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.