San Juan 14:19 - Nuevo Testamento Tzeltal de Amatenango

¹⁹ Liꞌ xanix ta jtsꞌine, te machꞌatik ayik ta skuenta balmilale makꞌ me yilbikonix jsit. Pero te jaꞌexe ya to awilikon; y ya xkuxuyinex porke kuxulon.

Bible in Tzeltal Bachajón

¹⁹ Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

Bible in Tzeltal de Oxchuc y Tenejapa

¹⁹ Jteb sc'an xch'ayon ta sitic te mach'atic ayic ta balumilale. Yan te ja'exe, ya to awilon xan atuquelic. Melel cuxulon te jo'one, jich me ya xcuxinex uuc te ja'exe.

San Juan 14:19 ပူးပေါင်းရင်းမြစ်များ

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 13:33

Jchꞌin kuntikil, ma jalukix kꞌaal te joyinejexe. Te jaꞌexe ya aleikon, pero jich mismo te la kalbe te juriyoetike, ora to jich ya kalbeyex euk: Ma spas ya xbaex te ba ya xboone.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 16:16

Liꞌ xanix ta jtsꞌine makꞌ ya awilbikonix jsit. Pero ta patil ya awilikon xan, porke ya xboon te ba ay te Tatile —xchi te Jesuse.

San Juan 16:22

Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

San Juan 7:33

Jich a yal te Jesuse: —Ma jalukix kꞌaal te ya joyinexe, y patil ya me sujton bael ta stojol te Machꞌa la stikonon tale.

San Juan 8:21

Te Jesuse la yal xan: —Te joꞌone ya xboon, y te jaꞌexe ya xba aleikon. Pero akuchoj amulik ya xchamex. Te ba ya xboon te joꞌone, te jaꞌexe ma spas xbaex teꞌa —xchi.

Hechos 10:41

Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike.

Romanos 5:10

Porke te Diose, te kꞌalal jkontrainejtik to aye, la yaꞌbotik bujtsꞌan kꞌinal ta skuenta te tutꞌil a cham te Xnichꞌane. Mas to xan a kolotik a te la yakꞌ xkuxlejale. Te ora to junix koꞌtantik sok

Romanos 8:34

¿Machꞌa kꞌan yakꞌotik bael ta chꞌayel? Maꞌyukix. Yuꞌun jaꞌ a cham Cristo Jesus kuꞌuntik. Sok ma jipuk a. Te Cristoe chaꞌkux y teꞌ ayix ta sbatsꞌi kꞌab te Diose; jaꞌ yipal ta kꞌop kuꞌuntik.

1 Corintios 15:20

Pero batsꞌi jich te Cristo te chaꞌkuxeme. Stukel primero sba sit te kosechae, y stukel primero te chaꞌkux tale.

1 Corintios 15:45

Jich ya yal te Sjun Diose: “Te primero winik jꞌAdan, aꞌbot stiꞌbalul sok xkuxlejal”, xchi me. Pero te slajibal jꞌAdane, jꞌakꞌ-kuxlejal stukel ta skuenta Espíritu.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Apocalipsis 20:4

La kil mukꞌul naktajibaletik, y te machꞌatik nakajtik teꞌ ae, jaꞌ te machꞌatik yichꞌoj yaꞌtelik ta chapawe. Sok la kil xan te xchꞌulelik te machꞌatik te setꞌalanbot sjol yuꞌun te jun yoꞌtanik a yalik ta jamal te skꞌoplal Jesuse y sok te skꞌop Diose. Te stukelike maꞌyuk a yichꞌik ta mukꞌ te chanbalam te xiꞌbentik sbae ni te slokꞌole. Ni maꞌ skꞌan a yichꞌbeyik te smarka ta stiꞌsbaike o ta skꞌabike. Y la kil te chꞌakuxik xane, y la sjoyinik ta ajwalil jmil jaꞌbil te Cristoe.