San Juan 14:17 - Nuevo Testamento Tzeltal de Amatenango

¹⁷ jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

Bible in Tzeltal Bachajón

¹⁷ ha te Espíritu yu'un smelelil, ha te ma xhu' ya yich' te mach'atic ayic ta scuenta bahlumilal, como ma ba ya yilic soc ma sna'beyic sba; yan te ha'exe, yac ana'beyic sba, como ay ta awo'tanic soc spisil ora ya sjoquinex.

Bible in Tzeltal de Oxchuc y Tenejapa

¹⁷ ja' bi, ja' te Espíritu te ya yac' ta na'el te smelelil c'ope. Jich yu'un te mach'atic ayic ta swenta te balumilale, ma xju' ya yic' ta yo'tanic, yu'un ma chicanuc ya yilic soc ma sna'beyic sba. Yan te ja'exe ya ana'beyic sba, yu'un ya sjoinex soc ya me x'ain ta awo'tanic spisil ora.

San Juan 14:17 ပူးပေါင်းရင်းမြစ်များ

San Mateo 10:20

Jich te tut ya awale ma jaꞌukat akꞌop, jaꞌ ya xkꞌopoj ta awoꞌtanik te Espíritu yuꞌun te jTatike.

San Juan 14:16

Y joꞌon ya jkꞌanbe te jTate te ya stikonbeyex tal yan Joyinwanej te sil tiempo ya sjoyinex stukele,

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 16:13

Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

San Juan 6:40

Porke te sboluntar jTate jaꞌ te ay skuxlejalik sbajtel kꞌinal spisil machꞌa ya yil sok ya xchꞌuun te Nichꞌanile. Y joꞌon ya jchaꞌkuseslan tal ta slajibal kꞌaal —xchi te Jesuse.

1 Corintios 14:15

¿Tut ya skꞌan ya jpas teme jichte? Yuꞌun jaꞌ ya skꞌan te ya jkꞌopon Dios sok te jchꞌulele y sok te ya kaꞌibe sluwarile. Ya skꞌan ya jkꞌayojin Dios sok te jchꞌulele y sok te ya kaꞌibe sluwarile.

1 Corintios 2:14

Te machꞌa maꞌyuk ta skuenta te Espiritue, ma skꞌan xchꞌuunik te tutik skuenta te Espíritu yuꞌun Dios, yuꞌun jowil nax kꞌoem ta yoꞌtanik. Sok ma xjuꞌ yuꞌunik snaꞌbeyel sluwar, yuꞌun makꞌ xkoltayot ta yichꞌel jkuenta yuꞌun te Espiritue.

1 Corintios 3:16

¿Tuꞌun me yuꞌun maꞌ anaꞌojikuk te jaꞌex stemploex te Diose, y te Espíritu yuꞌun te Diose teꞌey ba ayexe?

1 Corintios 6:19

¿Meꞌn ma xꞌanaꞌik te jaꞌexe te jaꞌ templo yuꞌun te Chꞌul Espíritu te atiꞌbalulike? Te Chꞌul Espiritue ay ta atojolik, yuꞌun te Dios a yaꞌbeyexe. Te jaꞌexe maꞌ awuꞌuninej abaikuk,

2 Corintios 13:5

Aꞌiya me abaik jaꞌex mismo, yuꞌun jich me ya xchiknaj a teme batsꞌi ay te xchꞌuunel awoꞌtanike. Pasa abaik ta prewa. ¿Me ma anaꞌojikuk te ayix ta awoꞌtanik te Jesucristoe?, teme ma lomuk nax awaloj te achꞌuunejike.

2 Corintios 6:16

Ma spas teme komon ay te templo yuꞌun Dios sok te lotil diosetike. Porke joꞌotik templootik yuꞌun te kuxul Diose, jich tutꞌil a yal jilel stukele: “Ya me xnainon ta yolilik, teꞌ ya me xbeenon a. Joꞌon Dioson yuꞌunik y jaꞌ jtejklum kuꞌunlan”, xchi me.

Gálatas 4:6

Y yuꞌun jich me ya xchiknaj a te yal xnichꞌanotikixe, Dios a stikon tal ta koꞌtantik te Espíritu yuꞌun te Xnichꞌane. Jaꞌ mismo te Espiritue ya xkꞌopoj: “Tat”, xchi ta stojol te Diose.

Efesios 2:22

Jich euk te jaꞌexe, te jun nax ayex sok te Cristoe, jich ya awichꞌik tsꞌakel moel jich tutꞌil jun templo te ba ya xꞌanin te Diose ta skuenta te Espíritu yuꞌune.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

2 Timoteo 1:14

Kanantaya me te lekil nojpesel yuꞌun Dios te ay ta awoꞌtane. Jaꞌ me ya skoltayat te Chꞌul Espiritue te ay ta koꞌtantike.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

1 Juan 5:7

Oxeb te testigoetik ta chꞌulchane: jaꞌ te Tatile, sok te machꞌa Skꞌop Diose, y sok te Chꞌul Espiritue. Y te yoxebal to jun nax te tut ya yalike.

Apocalipsis 2:17

“Te machꞌa ay xchikine, a me yaꞌiy te tut ya yal te Espíritu ta stojol te juju-tijkꞌ hermanoetike. Te machꞌatik ya xjuꞌ yuꞌunik tsalawe ya me kakꞌtalanbe sweꞌ te mana waj te nakꞌal aye. Y ya me kakꞌtalanbe euk te jun sakil ton te teꞌ tsꞌibabil jun achꞌ biilil te maꞌyuk machꞌa ya snaꞌe, jaꞌ nax te machꞌa ya yichꞌe”, uta me —xchi.