San Juan 14:13 - Nuevo Testamento Tzeltal de Amatenango

¹³ Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

Bible in Tzeltal Bachajón

¹³ Spisil te bin yac ac'ambeyic te Tatil ta scuenta jbihil, ya jpasbeyex, scuenta yu'un hich ya x'ich'ot ta muc' a te Tatil ta scuenta te Nich'anile.

Bible in Tzeltal de Oxchuc y Tenejapa

¹³ Spisil te bila ya ac'anbeyic te Tatil ta jwenta, ya me jpasbeyex. Jich me ya x'ac'ot ta ilel yutsilal te Tatile ta swenta te Snich'ane.

San Juan 14:13 ပူးပေါင်းရင်းမြစ်များ

San Mateo 21:22

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

San Mateo 7:7

“Kꞌanbeya te Diose jich me ya yaꞌbeyat. Lea te tut ya akꞌane, jich me ya ata ta leel. Kꞌopojan ta tiꞌpuerta, jich me ya sjeꞌbeyat te Diose.

San Marcos 11:24

Ja sluwaril te ya kalbeyex te ya skꞌan ya xchꞌuun awoꞌtanik te ya yaꞌbeyat te Diose spisil te tut ya akꞌan ta skuentae. Jich me ya awichꞌik te tut ya akꞌanbeye.

San Lucas 11:9

Jaꞌ yuꞌun ya kalbeyex: Kꞌambeyaik te Diose, jich me ya yaꞌbelex. Leaik te tut ya akꞌanike, jich me ya ataik ta leel. Kꞌopojanik ta tiꞌpuerta, jich me ya sjeꞌbeyex te Diose.

San Juan 10:30

Te joꞌone sok te Tatile jun nax ayotik —xchi.

San Juan 12:44

Te Jesuse tulan a kꞌopoj, jich a yal: —Te machꞌa ya xchꞌuunone ma joꞌukon nax te ya xchꞌuunone; jaꞌ ya xchꞌuun euk te jTat te la stikonon tale.

San Juan 13:31

Lokꞌemix bael a te Judase, te Jesuse la yal: —Te ora to ya xꞌakꞌot ta ilel te slekilal te Nichꞌanile, y te slekil te Diose ya xchiknaj ta stojol.

San Juan 14:14

Joꞌon ya kaꞌbeyex te tutik ya akꞌanik ta jbiile.

San Juan 14:6

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 16:23

“Te tut kꞌaalil ya xkꞌot ta pasele, ma me ayuk tut ya ajojkꞌobikonix a. Jamal ya kalbeyex spisil te tut ya akꞌambey te Tatil ta joꞌon jkuentae ya me yaꞌbeyex.

San Juan 16:26

Te tut kꞌaalil ya kale, te jaꞌexe ya akꞌanik ta joꞌon jkuenta. Y makꞌ ya kal te ya xkꞌopojon awuꞌunik ta stojol te Tatile,

San Juan 16:7

Pero ya me kalbeyex ta jamal te jaꞌ lek ta atojolik te ya xboone, porke teme makꞌ xboone, makꞌ xtal ta atojolik te Joyinwanej awuꞌunike. Pero teme boone, ya me jtikonbeyex tal.

San Juan 4:10

Te Jesuse la sjakꞌbe: —Te yauk anaꞌ te tut ya yakꞌ te Diose sok te yauk anaꞌbon jba, joꞌon te ya jkꞌanbeyat jaꞌe, jaꞌat me ya akꞌanbon jaꞌ te jichuke. Jich me ya kaꞌbeyat te kuxul jaꞌ stukele —xchi.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 7:37

Jaꞌ ben tulan skꞌoplal yuꞌunik te último kꞌaal yuꞌun te kꞌine. Te kꞌaal abi, te Jesuse tekꞌa jajchel, y tulan a kꞌopoj. Jich a yal: —Teme ay machꞌa takin yoꞌtane, a me taluk ta jtojol, a me tal yuchꞌ te jaꞌe.

1 Corintios 14:13

Jich yuꞌun, te machꞌa ya xkꞌopoj ta yan kꞌopile, aꞌ skꞌanbe Dios te yauk xjuꞌ yuꞌun skꞌasesele.

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

Efesios 3:12

Jaꞌ ta skuenta Cristo te ya xjuꞌ kuꞌuntik te ya xtijilajotik ta stojol te Diose. Jun koꞌtantik ya xꞌochotik tey a ta skuenta te xchꞌuunel koꞌtantike.

Efesios 3:14

Jaꞌ sluwar te ya jkejan jba ta stojol te Tatile.

Filipenses 4:13

Ta spisil ya xjuꞌ kuꞌun ta skuenta Cristo te jaꞌ ya skoltayone.

Colosenses 3:17

Y spisil te tut ya apasike o ya awalike, pasaik ta skuenta te Kajwaltik Jesuse. Sok albeyaik kola yal Dios te Tatil ta skuenta te Jesuse.

Hebreos 13:15

Jaꞌ yuꞌun ya skꞌan jkꞌayojintik sil tiempo te Dios ta skuenta te Jesucristoe. Te kꞌayoj to jaꞌ smajtan Dios ya skꞌan kaꞌbetik. ¡A me jkꞌayojintik sok jtiꞌtik!

Hebreos 4:15

Yuꞌun te mukꞌul saserdote kuꞌuntike ya xjuꞌ te ya snaꞌbotik yoꞌolil jbajtik te maꞌyuk kiptike, porke jich a kꞌax yuꞌun prewa euk jich tutꞌil te joꞌotike. Pero te stukele maꞌyuk a mulaw.

Hebreos 7:25

Jaꞌ yuꞌun ya xjuꞌ ya xkoltawan sbajtel kꞌinal yuꞌun te machꞌatik ya xtijilajik ta stojol Dios ta skuentae. Yuꞌun kuxul sbajtel kꞌinal, yuꞌun ya skꞌanulanbe Dios ta skuentaik.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

1 Pedro 2:5

Jachikex euk, Dios ya yakꞌex tutꞌil kuxul tonetik, yipalex ta tejkꞌanel ta jun na ta skuenta te Espiritue. Lekil saserdoteukex me, yuꞌun ta skuenta te Jesucristoe, jaꞌ awaꞌtelik te ya awaꞌbeyik milbil smajtan ta skuenta te Espiritue te lek ya yil te Diose.

1 Juan 3:22

Sok jich me ya yaꞌbotik spisil te tut ya jkꞌanbetike, porke jchꞌuunejbetik te mantaliletik yuꞌune y ya jpastik te tut lek ya yile.

1 Juan 5:14

Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.