San Juan 13:32 - Nuevo Testamento Tzeltal de Amatenango

³² Teme jaꞌ te Nichꞌanile ya yakꞌ ta ilel slekilal te Diose, jich te Diose ya yakꞌ ta ilel slekilal. Y jich me ya xkꞌot ta pasel ta ora.

Bible in Tzeltal Bachajón

³² Teme ich'ot ta muc' te Dios ta scuenta, ha nix hich Dios ya me yac' ta ich'el ta muc' te Nich'anil ta scuenta nix, soc nopol yorahil ya yac' ta ich'el ta muc'.

Bible in Tzeltal de Oxchuc y Tenejapa

³² Teme ja' ta swenta te ya x'ac'ot ta ilel yutsilal te Diose, ja' nanix jich Dios ya yac' ta ilel yutsilal te Nich'anile. Ya me xc'ot ta pasel ta ora.

San Juan 13:32 ပူးပေါင်းရင်းမြစ်များ

San Juan 12:23

Te Jesuse jich a yaltalanbe: —Kꞌotix yorail te ya xꞌakꞌot ta ilel slekilal te Nichꞌanile.

San Juan 17:1

Patil laj yoꞌtan ta yalel to, te Jesuse la skꞌelu moel ta chꞌulchan y la yal: —Tat, kꞌotix yorail te ya awakꞌ ta ilel slekilal aNichꞌane, yuꞌun jich me ya yakꞌ ta ilel euk te alekilale.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Apocalipsis 22:1

Te ángele la yaꞌbon kil jun sakil ukꞌum, te jaꞌ yuꞌun kuxlajele. Ben klaro jachik tutꞌil espejo. Y teꞌ ya xlokꞌ tal ba ay te smukꞌul naktajib te Diose y sok te Chꞌin Karnerae,

Apocalipsis 22:13

Joꞌon te ayon ta slijkibale y sok ta slajibale. Ayon ta neelal to sok ta patil to, jich tutꞌil te A sok te Z —xchi.

Apocalipsis 22:3

Ni maꞌyukix teꞌa te tut ya xꞌakꞌot bael ta chꞌayele. Te smukꞌul naktijib te Diose y sok te chꞌin karnerae te ay ta yolil te mukꞌul jtejklume, y te jꞌaꞌteletik yuꞌune ya xꞌichꞌot ta mukꞌ yuꞌunik teꞌa.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.