San Juan 13:14 - Nuevo Testamento Tzeltal de Amatenango

¹⁴ Jaꞌ yuꞌun ya skꞌan ya apokbeya aba awokik jich tutꞌil te la jpokbeyex awokik te joꞌon te maestroon awuꞌunike sok te Ajwalilon awuꞌunike.

Bible in Tzeltal Bachajón

¹⁴ Teme ho'on, te Ajwalilon soc te Maestrohon awu'unic, la jpocbeyex awoquic, ha nix hich ya sc'an te talel c'axel yac apocbe aba awoquique.

Bible in Tzeltal de Oxchuc y Tenejapa

¹⁴ Te bit'il maestroon soc ajwalilon awu'unic te la jpocbeyex awacanique, jich nix ya sc'an ya apocbey aba awacanic te ja'exe.

San Juan 13:14 ပူးပေါင်းရင်းမြစ်များ

San Juan 11:2

Jaꞌ te xMaria te xwix te jLazaroe te la smalbe perpume ta yok te Kajwaltike y la stakutesbe ta stsotsil sjol.

Hechos 20:35

Sil tiempo a kaꞌbeyex awilik te tutꞌil ya skꞌan ya xꞌaꞌtejotik ta jpisiltike, yuꞌun jich me ya jkoltatik te machꞌatik ay nesesidad yuꞌunike. Naꞌaik me te jich yaloj te Kajwaltik Jesuse: “Jaꞌ me ben tsaꞌam slekil te machꞌa ay tut ya yakꞌe ke te machꞌa ya yichꞌe”, xchi me —xchi te jPabloe.

Romanos 12:10

Kꞌux me xꞌawaꞌiy abaik jich tutꞌil te machꞌatik jun nax smeꞌ-statike. Talel bael akꞌa abaik me ta jkuenta, y chꞌuunbeya abaik amantalik.

Romanos 12:16

Junuk awoꞌtan abaik ta juju-tul. Ma me toybaukex. Jaꞌ me pajal ya skꞌan xꞌanex sok te machꞌatik lom chꞌunulike. Ma me xꞌakuy te lom pꞌijexe.

1 Corintios 12:3

Jaꞌ yuꞌun, te ora to ya jkꞌan ya anaꞌik te maꞌyuk machꞌa xjuꞌ ya yal te ma tsaꞌamuk te Jesuse teme jaꞌ ya xkꞌopoj ta spoder te Espíritu yuꞌun te Diose. Y sok maꞌyuk machꞌa ya xjuꞌ ya yal: Te Jesuse ja Kajwal”, teme ma jaꞌuk ya xkꞌopoj ta spoder te Chꞌul Espiritue.

1 Corintios 8:13

Jaꞌ yuꞌun, teme ta skaj jweꞌel te ya kakꞌ yaluk ta mulil te kermanoe, jaꞌ lek te makꞌ jweꞌ te weꞌele, yuꞌun jich makꞌ xyal ta mulil ta jkuenta a.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 8:9

Porke ya anaꞌikix te jaꞌexe, te Kajwaltik Jesucristoe ta slekil yoꞌtan, aunke kꞌulej stukel, la yakꞌ sba ta meꞌbaꞌ ta akajik te jaꞌexe. Yuꞌun te tutꞌil meꞌbaꞌ a yakꞌ sbae, jaꞌex akulejibex a.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Filipenses 2:11

Y ta spisil ya me yalik te jaꞌ ajwalil stukel ta Jesucristo. Yuꞌun jich me ay slekilal ya xkꞌot a te Dios Tatile.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

1 Pedro 4:1

Jaꞌ yuꞌun, jachik tutꞌil kꞌax swokol ta stiꞌbalul te Cristoe, jich euk te jaꞌexe ya skꞌan te junuk awoꞌtanik te ya awilik wokole. Yuꞌun te machꞌa ya xkꞌax swokol ta stiꞌbalule, teꞌ chꞌayix jil a te smule.

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.